BolgeXeber.Com » Media » “Heç bir sosial şəbəkəni məhdudlaşdırmaq olmaz” - Əflatun Amaşov

“Heç bir sosial şəbəkəni məhdudlaşdırmaq olmaz” - Əflatun Amaşov

13-04-2018, 17:27

Oxunub: 4 935

“Azərbaycan Mətbuat Şurası tərəfindən sosial şəbəkələrdə monitorinq keçirilməsi planlaşdırılmayıb”.

Bunu “Ölkə.Az”a açıqlamasında Mətbuat Şurasının sədri, Milli Məclisin deputatı Əflatun Amaşov bildirib.

Ə.Amaşov deyib ki, sosial şəbəkələr sistemi kifayət qədər həssas və ciddi sahədir:

“Bəzən bu sistemdə müəyyən problemlər yaranır. Hətta, bu problemlərlə bağlı “Facebbok”-un yaradıcısı da öz münasibətini bildirib. Doğrudan da bu gün sosial şəbəkələrdə ayrı-ayrı insanlar barəsində yoxlanılmamış və təhqiredici materiallar yayılır. Bütün bunlar isə cəmiyyəti narahat etməyə bilməz. Ancaq elə edilməlidir ki, insanların və sosial şəbəkələrin azadlığı məhdudlaşdırılmadan insanların hüquqları qorunsun, onlar təhqir olunmasınlar və sairə”.
Deputat qeyd edib ki, bununla bağlı Avropa və ayrı-ayrı dövlətlər ilə “Facebook” təsisçiləri arasında müzakirələr olur:

“Müzakirələr zamanı da qeyd olunur ki, heç bir sosial şəbəkəni məhdudlaşdırmaq olmaz. Ancaq eyni zamanda sosial şəbəkələrdə insanlar da təhqir edilməməlidir. Hazırda dünya ölkələri mövcud problemlərlə bağlı alternativlər üzərində çalışır. Yəni, həm azadlıqlar məhdudlaşdırılmasın, həm də insanlar təhqir olunmasın. Hələlik dünyada belə bir mexanizm tapılmayıb. Yəqin ki, nə zamansa sosial şəbəkələrin rəhbərləri ilə bu məsələ müzakirə olunub müsbət həllini tapacaq”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]