Bizimlə əlaqə | Reklam
BolgeXeber.Com » Media » ‘The Washington Post’ Əkrəm Əylislidən yazdı – FOTO

‘The Washington Post’ Əkrəm Əylislidən yazdı – FOTO

18-02-2013, 07:15
Oxunub: 4 788 ABŞ-ın nüfuzlu “The Washington Post” qəzetinin 16 fevral tarixli nömrəsində Azərbaycanın Birləşmiş Ştatlardakı səfirliyinin hüquqi və siyasi məsələlər üzrə müşaviriMəmməd Talıbovun “Bir millətin təhqirə reaksiyası” adlı məqaləsi dərc olunmuşdur.

Məqalə həmin qəzetin 13 fevral tarixli nömrəsində dərc edilmiş “Azərbaycan yazıçı əleyhinə fətva verir” sərlövhəli məqaləyə cavab olaraq yazılmışdır.

Müəllif bildirir ki, yazıçı Əkrəm Əylislinin “Daş yuxular” adlı əsəri Azərbaycanda ciddi narazılığın yaranmasına səbəb olmuşdur. Bu da göstərir ki, Ermənistan-Azərbaycan münaqişəsi azərbaycanlılar üçün hələ də ağrılı məsələ olaraq qalır. Qeyd edilir ki, əsərin daha çox narazılıq yaratmasına səbəb Əkrəm Əylislinin Azərbaycanın Ermənistan tərəfindən işğal olunmuş torpaqlarından didərgin salınmış məcburi köçkünlərin və Ermənistan ərazisindən qovulan qaçqınların şərəf və ləyaqətini təhqir etməsidir. Bildirilir ki, hüquq müdafiəçiləri etnik təmizləmənin qurbanı olmuş Azərbaycan vətəndaşlarının təhqirə bu cür münasibətlərini başa düşməlidirlər.

Yazıda qeyd edilir ki, Azərbaycan hökumətini və ya parlamentini hansısa şəxsə hücum etməkdə günahlandırmaq hər hansı bir amerikalı siyasətçinin səsləndirdiyi fikirlərə görə bütövlükdə ABŞ-ı təqsirləndirməyə bərabərdir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]