BolgeXeber.Com » Media » Saytlara nə zaman maliyyə ayrılacaq?

Saytlara nə zaman maliyyə ayrılacaq?

4-02-2019, 10:52

Oxunub: 4 754

“Saytların maliyyələşməsi məsələsi uzun müddətdir ki, gündəmə gətirilib. Milli Məclisdə də bu məsələ dəfələrlə qaldırılıb. Əgər ictimai fikir onlayn media vasitəsi ilə yayılırsa, formalaşırsa, onda saytların maliyyələşməsi məsələninin artıq vaxtı çatıb. Bu da həyata keçiriləcək”.

Bunu Modern.az-a açıqlamasında deputat, Mətbuat Şurasının sədri Əflatun Amaşov deyib.

O bildirib ki, bunun üçün müəyyən mexanizm işləmək lazımdır.

“Mənə elə gəlir ki, bunun üçün təcili olaraq onlayn media ilə bağlı qanun qəbul edilməlidir. Yardımın verilmə prinsipləri, meyarlar müəyyənləşməlidir. Meyarlar müəyyənləşəndən sonra əlbəttə, onlayn media mütləq maliyyələşməlidir və maliyyələşəcək.

Hazırda saytlara vəsaitlərin ayrılması məsələsi müzakirə olunur. Forma müəyyənləşəndən sonra mən elə hesab edirəm ki, bu ayrılacaq”.

Deputat qeyd edib ki, saytlara maliyyə ayrılması məsələsinin nə zaman reallaşacağını söyləmək çətindir.

“Hazırda qanun layihəsi üzərində iş gedir. İşlər yekunlaşandan sonra müvafiq komitələrə təqdim olunacaq”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]