BolgeXeber.Com » Xəbərlər » Nemtsovun qətlində şübhəli bilinən Zaur Dadayev etiraf ifadəsindən imtina edib

Nemtsovun qətlində şübhəli bilinən Zaur Dadayev etiraf ifadəsindən imtina edib

11-03-2015, 09:42

Oxunub: 6 434

Rusiyalı siyasətçi Boris Nemtsovun qətlində şübhəli bilinən Zaur Dadayev etiraf ifadəsindən imtina edib

Bu barədə “Moskovskiy komsomolets” nəşri məlumat yayıb. Qeyd edək ki, “Moskovskiy komsomolets”in müxbiri ictimai müşahidə komissiyasının tərkibində ötən gün cinayət işi üzrə həbs olunmuş Zaur Dadayev ilə görüşdə iştirak edib.

Zaur Dadayevin Nemtsovun qətli ilə bağlı etiraf ifadəsi verməsi barədə Basmannı məhkəməsinin sədri Natalya Muşnikova onun barəsində həbs hökmü elan edərkən bildirib. Dadayevin özü isə məhkəmədə Nemtsovun qətli ilə əlaqəli olmasına dair sualı şərh etməyib.

“Dəfələrlə “Sən Nemtsovu öldürdün?” deyə qışqırırdılar. Mən “xeyr” cavabı verirdim. Saxlanılan an mənimlə yaxın yoldaşım, keçmiş əməkdaşım Ruslan Yusupov olub. Və onlar etiraf ifadəsi verəcəyim təqdirdə onu buraxacaqlarını vəd etdilər. Mən razılaşdım. Düşündüm ki, onu xilas edərəm, məni isə sağ-salamat Moskvaya aparacaqlar və mən orada məhkəməyə günahsız olduğunu, həqiqəti deyəcəm. Lakin hakim mənə söz vermədi”, deyə Dadayev bildirib.

Dadayev qətl ilə heç bir əlaqəsi olmadığını təsdiqləyə biləcək şahidin olduğunu qeyd edib: “Kim mənim günahsız olduğunu təsdiqləyər? Yeri gəlmişkən mənimlə həmçinin Əli Matiyev də olub. O bunu təsdiqləyə bilər. Amma, o haradadır?”, deyə Dadayev bildirib.

İctimai müşahidə komissiyasının nümayəndələri istintaq təcridxanasında Boris Nemtsovun qətlində şübhəli bilinən daha 2 şəxslə - Anzor bə Şaqit Qubaşev qardaşları ilə də görüşüb. Şaqit Qubaşev də, öz növbəsində, ona qarşı güc tətbiq edildiyini və qətl ilə heç bir əlaqəsi olmadığını bildirib.
apa

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]