BolgeXeber.Com » Xəbərlər » Türkiyənin məşhur aktyoru Zeki Alasya vəfat etdi

Türkiyənin məşhur aktyoru Zeki Alasya vəfat etdi

8-05-2015, 18:41

Oxunub: 7 217 Türkiyənin məşhur aktyoru Zeki Alasya vəfat etdi

Zeki Alasya müalicə aldığı xəstəxanada dünyasını dəyişib

Türkiyənin tanınmış aktyoru Zeki Alasya vəfat edib.
Teatr və kino sahəsində çalışmış sənətçisi müalicə aldığı xəstəxanada dünyasını dəyişib.

Saysız hesabsız bəddi filmdə rol alan aktyor son zamanlar daha çox seriallarda görünürdü. O, ən son “Küçük ağa”, “Akasya durağı” kimi çox izlənən seriallarda çəkilmişdi.

Qeyd edək ki, Zeki Şenol Alasya 18 Aprel 1943-ci ildə İstanbulda anadan olub. Əslən Şimali Kiprdən olan sənətçi incəsənət həyatına 1959-cu ildə MTTB (Milli Türk Tələbə Birliyi) teatrında həvəskar olaraq başlayıb.

1964-ci ildə Arena Teatrında professional aktyorluğa başlayıb. “Mister Nato”, “Qarğalar Məktəbi”, “Şampan və Viski” kimi oyunlarda rol alıb. 1973-cü ildən sonra filmlərə çəkilməyə başlayıb. Metin Akpınar ilə birlikdə türk kinosuna damğa vurub. Birlikdə 37 il çalışaraq bir çox filmdə rol alıblar.

Zeki Alasya “Salak milyoner”, “Kənddən gəldim şəhərə”, “Hara baxır bu adamlar” və s. filmlərdə rol alıb.
Zəki Alasyanın ölüm xəbəri ən çox onun yaxın dostu Mətin Akpınarı sarsıdıb. CNN Türkün canlı yayımında büyük dostluqlarından danışan Mətin Akpınar göz yaşlarına hakim ola bilməyib.

Mətin Akpınar bildirib ki, bu gün onun yanına xəstəxanaya ən sevdiyi yeməyi aparacaqmış, ancaq ölüm xəbərini alıb: “Mənim canım getdi. O, mənim yarım idi. Onunla 1962-ci ildə tanış olmuşduq. Ondan əvvəl də tale bizi birləşdirmişdi. Atalarımız eyni yerdə çalışırdı. Hər ölüm tezdir, vaxtsızdır, ancaq bu, bizim üçün çox gözlənilməz oldu. Təəssüf ki, qaraciyərində bir fəsad var idi. Müalicə üçün gecikmişdi, fərqində olmadıq. Nə isə etmək üçün artıq gec idi. Son iki gündə artıq ümid kəsilmişdi. Onun könlünü almağa çalışırdıq. Hər an yanındaydım. Bu gün sevdiyi yeməyi hazırlayıb, aparacaqdım. Lakin ölüm xəbərini aldım”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]