Bulvarda çay içmək istəyənlərin NƏZƏRİNƏ: - 2-3 manatdan artıq istəyə bilməzlər!
1-06-2015, 15:57
Oxunub: 4 723
Qəbul olunan standartlara görə, Milli Parkda sadə çay 2 manat, mürəbbəli çay 3 manatdır
Paytaxt sakinlərinin istirahət üçün ən çox üz tutduğu məkanlardan bir olan Dənizkənarı Bulvarda - Milli Parkda bahalıq burada hamını narazı salır.
20 qəpiklik qablaşdırılmış su bulvarda 1 manatdan ucuz deyil. Həmçinin bulvar ərazisində fəaliyyət göstərən çayxana və kafelər ailəniz və ya dostlarınızla çay içmək üçün yaxınlaşdığınız zaman sizə müxtəlif şirniyyatlarla bəzədilmiş çay dəstgahı təqdim edir. Siz çayın yanındakıları istəmədiyinizi bildirdiyiniz zaman isə “bizdə sadə çay yoxdur” cümləsini eşidirsiniz. Belə olan təqdirdə hüquqları pozulmuş vətəndaş hansı addımı atmalıdır?
Məsələyə Modern.az saytına açıqlama verən Nazirlər Kabineti yanında Dənizkənarı Bulvar İdarəsinin rəis müavini Nazim Məcidov aydınlıq gətirib.
“2008-ci ildən Bulvar İdraəsinin “Qaynar xətti” fəaliyyət göstərir. Biz bu metodla baş verən neqativ hallarla mübarizə aparırıq. Neqativ hallarla rastlaşan sakinlərimiz günün 24 saatı, həftənin 7 günü aktiv olan bulvarın “Qaynar xətti”nə - 055 282 70 00, 012 480 18 36 nömrələrinə zəng edə bilərlər”.
Qeyd edək ki, göstərilən mobil telefona idarənin rəis müavini Nazim Məcidov özü cavab verir. İdarə rəsmisi bildirib ki, “!Qaynar xətt”ə ayda bir neçə dəfə zənglər daxil olur:
“Daxil olan şikayət əsasında məsələ yerindəcə araşdırılır. Əgər deyilənlər təsdiqini tapırsa, doğurdan da kimsə 2-3 manatlıq çaya görə vətəndaşdan artıq pul tələb edirsə, “mütləq çayın yanında çoxsaylı şirniyyat almalısan” tələbini qoyursa cəzalandırılır. Araşdırmalar zamanı o da məlum olur ki, şikayətlər bəzən vətəndaş və xidmət işçisi arasında anlaşılmazlıqlardan yaranır”.
Qəbul olunan standartlara görə, Milli Parkda sadə çay 2 manat, mürəbbəli çay 3 manatdır. Əgər Bulvar ərazisində hər hansı bir çayxana və kafedə çay sifariş edərkən “bizdə sadə çay olmur, yanında mütləq nəsə sifariş etməlisiniz” deyilirsə, mütləq göstərilən “qaynar xətt” nömrələrinə zəng etmək lazımdır
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə