BolgeXeber.Com » Xəbərlər » Ağcabədidə “Meliorasiya və Su Təsərrüfatı” idarəsində müdir işçinin əmlakını mənimsəyib

Ağcabədidə “Meliorasiya və Su Təsərrüfatı” idarəsində müdir işçinin əmlakını mənimsəyib

2-06-2015, 15:42

Oxunub: 4 827 Ağcabədidə “Meliorasiya və Su Təsərrüfatı” idarəsində müdir işçinin əmlakını mənimsəyib

Baxmayaraq ki, Ağcabədi rayon və Şirvan Apelyasiya məhkəmələri işçinin xeyrinə qərar veriblər...

Ağcabədi rayonu, Kəbirli kənd sakini Bənövşə Quliyeva Milli Məclisin sədri Oqtay Əsədova məktub yazıb ki, oğluna qarşı haqsızlığın aradan qaldırılmasına kömək etsin. Onun oğlu Sahib Bünyadova məxsus əmlakı “Meliorasiya və Su Təsərrüfatı” ASC-nin Ağcabədi Suvarma Sistemləri İdarəsinin rəisi Əli Əliyev tərəfindən mənimsənilib. İşə baxan Ağcabədi rayon məhkəməsi və Apelyasiya şikayəti əsasında Şirvan Apelyasiya Məhkəməsi Sahib Bünyadovun xeyrinə qərar çıxartsalar da əmlakı Əli Əliyev mənimsəyib.
Bu xəbəri eşitcək yadıma köhnə, Brejnevin dövründən bir məsəl düşdü. “Günlərin bir günü Brejnev maşınla gedirmiş. Qarşılarına bir heykəl çıxır. Sürücüdən soruşur ki, kimin heykəlidir. Sürücü “Puşkinin” deyə cavab verir. “Mumu”nu yazanınmı” deyə Brejnev bir də soruşur. “Yox, “Mumu”nu Turgenev yazıb” sürücü belə cavab verir. “Bu necə məsələdir? “Mumu”nu Turgenev yazıb, gətirib Puşkinə heykəl qoyublar. Heç nə başa düşmədim!”
Elə bilməyin ki, belə məsələlər keçmişdə qalıb, indi ondan da çox olur. İntəhası onu bilmirəm ki, Brejnevi mat-məəttəl qoyan məsələ, görəsən, “Meliorasiya və Su Təsərrüfatı” ASC-nin sədri hörmətli Əhməd Əhmədzadəni də mat qoyub?
Təmkin Səbirli

Çox Oxunanlar