Bizimlə əlaqə | Reklam
BolgeXeber.Com » Xəbərlər » DİN-dən etiraz: Azərbaycanda nə "narkobaron" qalıb, nə də "vorzakon"

DİN-dən etiraz: Azərbaycanda nə "narkobaron" qalıb, nə də "vorzakon"

19-06-2015, 18:15
Oxunub: 6 408 DİN-dən etiraz: Azərbaycanda nə "narkobaron" qalıb, nə də "vorzakon"Daxili İşlər Nazirliyi Bakıda "narkobaron" bıçaqlanması ilə bağlı mətbuatda yayılmış məlumata münasibət bildirib

Nazirliyin mətbuat xidmətinin rəis müavini Ehsan Zahidov milli.az-a açıqlamasında deyib ki, bəzi mətbuat oranlarında "narkobaron" və ya "vorzakon" bıçaqlanması ilə bağlı yayılanlar şişirtmədir. Rəis müavininin sözlərinə görə, Azərbaycanda cinayətkarlığa qarşı aparılan ciddi mübarizənin nəticəsidir ki, artıq ölkədə nə "narkobaron" var, nə də "vorzakon". Onların kökü 1994-cü ildə kəsilib.
Suraxanıda baş verən hadisəyə gəlincə, E.Zahidov qeyd edib ki, həmin rayonun polis əməkdaşlarının əməliyyat tədbirləri nəticəsində bir nəfərdən heroin götürülüb. Aparılan tədbirlərin davamı olaraq müəyyən edilib ki, ona narkotik maddəni satan Aydın Bağırov və onun ögey oğlu Ənvər Məmmədovdur. Onların hər ikisi əvvəllər məhkumluq həyatı yaşayıb.
Polisin onları yaxalayacağını hiss edib özlərinə bıçaqla xəsarət yetiriblər. Onların bütün cəhdlərinə baxmayaraq, polis onları zərərsizləşdirib. Evlərinə baxış zamanı 330 qrama yaxın heroin götürülüb. Hər iki şəxs xəstəxanaya yerləşdirilib, müalicə olunurlar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]