BolgeXeber.Com » Xəbərlər » Goranboyda doğuş zamanı ana və uşaq ölüb- Xəstəxanada ciddi insident yaşanıb

Goranboyda doğuş zamanı ana və uşaq ölüb- Xəstəxanada ciddi insident yaşanıb

24-06-2015, 10:32

Oxunub: 4 876

Dünyasını dəyişən qadın hamilə olduğunu bilmirmiş

Bu gün gecdə saatlarında Goranboyda doğuş zamanı ana və uşaq ölüb.

BOLGEXEBER.COM modern.az-a istinadən xəbər verir ki, hadisə Goranboy rayon xəstəxanasında baş verib.

Buna görə, ölən ana və uçşağın sahibləri ilə xəstəxana işçilərinin arasında ciddi insident olub. Xəsarət alanlar var.

Məsələ ilə bağlı xəstəxanın şöbə müdiri İradə Həsənova qeyd edib ki, 1983-cü il təvəllüdlü Aslanova Nəcibə Şahmar qızı iyunun 22-də onlara çox ağır vəziyyətdə müraciət edib.

“Xəstə bizə daxil olanda koma vəziyyətində idi. Məmmədova Şəhla həkim tərəfindən təcili olaraq əməliyyata alındı. Lakin vəziyyəti ağır olduğu üçün həm Bakıdan, həm Gəncədən həkimlər çağırıldı. Amma gecə saat 3 radələrində ana keçindi”.

İ.Həsənova uşağın da ölü doğulduğunu vurğulayıb.

“Fermada yaşayan ailə olub və özünün hamiləliyindən də xəbəri olmayıb. İki böyük uşağı var. Hamiləlikdən xəbəri olmadığı üçün heç hara müraciət etməyib. Anasıgilə gələndə başağrısının olduğunu deyib. Anası həkimə aparmağa çalışsa da gəlin getməyib və qəfildən halı pisləşib. Anasıgildə təcili bura gətiriblər”.

Şöbə müdiri bu hadisə nəticəsində xəstəxanada dava olması, polisin müdaxilə etməsi faktını inkar edib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]