Bizimlə əlaqə | Reklam
BolgeXeber.Com » Xəbərlər » 47 gün əvvəl yoxa çıxan poçt müdiri meşədən tapıldı

47 gün əvvəl yoxa çıxan poçt müdiri meşədən tapıldı

17-07-2015, 09:19
Oxunub: 4 333 47 gün əvvəl yoxa çıxan poçt müdiri meşədən tapıldıİyunun 1-də evdən çıxan və bir daha geri qayıtmayan Salyan rayonu, II Varlı kənd poçt şöbəsinin müdiri Əyyub Cəfərov tapılıb

Bolgexeber.com virtualaz.org-a istinadən xəbər verir ki, Əyyub Cəfərov bu gün Siyəzən rayonunun Qalaltı kəndi yaxınlığındakı meşədə anlaqsız vəziyyətdə tapılaraq ailəsinə təhvil verilib.

Əyyub Cəfərovu itkin düşmüş sayıldığı 47 gün ərzində saqqal basıb. O, psixi xəstəyə çevrildiyindən başına gələnlər barədə sualları cavablandıra bilməyib. 53 yaşlı Ə.Cəfərovun axtarışları ilə yaxınları ilə yanaşı Salyan polisi də məşğul olurdu.

Kənd sakinləri Əyyub Cəfərovu sakit təbiətli bir adam kimi tanıdıqlarını, onun uzun müddət kənd icra nümayəndəliyində mühasib işlədiyini demişdilər.

Kənd sakinlərinin bildirdiyinə görə, Ə.Cəfərovun ayrı-ayrı şəxslərə və banklara üst-üstə 30 min manata yaxın borcu olub, amma bu borcları qaytara bilmirmiş. Bu səbəbdən keçirdiyi stress ucbatından hələ mart ayında onun səhhətində nevroloji problemlər yaranıb, dinib-danışmırmış, özünə qapanıbmış. Ev şəraitində müalicə də olunurmuş. İyunun 1-də isə yaxınlarına bir söz demədən evdən çıxıb və elə o vaxtdan da ondan bir xəbər yox idi.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]