BolgeXeber.Com » Xəbərlər » "Qəlbim qələbə sevincini hiss edir" – İlham Zəkiyev Fizulidə deyib(FOTO)

"Qəlbim qələbə sevincini hiss edir" – İlham Zəkiyev Fizulidə deyib(FOTO)

27-07-2015, 11:57
Oxunub: 1 255 "Qəlbim qələbə sevincini hiss edir" – İlham Zəkiyev Fizulidə deyib(FOTO)“Mənim gözlərim işığı görmür, lakin qəlbim qələbə sevincini hiss edir”

Bolgexeber.com xəbər verir ki, bu sözləri kəşfiyyatçı əsgər, iradə gücü ilə bir çoxlarına nümunə olan paralimpiyaçı çempion, Birinci Avropa Oyunlarının qalibi İlham Zəkiyev yaralanaraq gözünün nurunu itirdiyi Füzuli rayonunda ictimaiyyət nümayəndələri ilə görüşündə deyib. Horadiz şəhərində Füzuli Dövlət Dram Teatrında paralimpiyaçı çempion İlham Zəkiyevlə keçirilən görüşdə rayon İcra Hakimiyyətinin başçısı Alı Alıyev, Qarabağ əlilləri, müharibə veteranları, ziyalılar və ictimaiyyət nümayəndələri iştirak edib.
Rayon sakinləri yaralanaraq gözünün nurunu vətən yolunda itirən çempionu əsl qəhrəman kimi qarşılayıblar.
Tədbiri rayon İcra Hakimiyyətinin başçısı Alı Alıyev açıb, respublikamızda idmana, idmançılara göstərilən diqqət və qayğıdan danışıb. Bildirib ki, Birinci Avropa Oyunlarının başa çatmasından bir ay keçsədə bütün dünya, Avropa, o cümlədən, cəbhə bölgəsində yaşayan füzulililər oyunların hələ də təsirindədirlər.
Alı Alıyev qeyd edib ki, 18 yaşında hərbi xidmətə yollanan və kəşfiyyatçı kimi qulluq edən İlham Zəkiyev Füzuli rayonunun Aşağı Əbdürrəhmanlı kəndində döyüş tapşırığını yerinə yetirərkən ağır yaralanıb və görmə qabiliyyətini itirib. Ancaq o, qələbə əzmini, həyatsevərliyini və iradəsinin gücünü qoruyub saxlaya bilib. İki dəfə paralimpiya çempionu, 2 dəfə Dünya, 5 dəfə Avropa çempionu olub. Ən nəhayət Azərbaycanda keçirilən Birinci Avropa Oyunlarında 26 iyun Silahlı Qüvvələr Günündə bütün rəqiblərinə qalib gələrək qızıl medal qazanıb. Prezident İlham Əliyevin dediyi kimi İlham Zəkiyev doğrudanda cəsarət və ləyaqət simvoludur. Füzulililərdə İlham Zəkiyevi sevir, onunla qürur duyurlar.
Rayon İcra Hakimiyyətinin Sərəncamı ilə bu gündən İlham Zəkiyev Füzulinin fəxri vətəndaşı elan olunur.
Müdafiə Nazirliyinin Mənəvi-Psixoloji Hazırlıq və İctimaiyyətlə Əlaqələr İdarəsi rəisinin müavini, polkovnik Abdulla Qurbani çıxış edib, İlham Zəkiyevin həyat yolu barədə məlumat verib.
İlham Zəkiyev ona göstərilən diqqət və qayğıya görə minnətdarlığını bildirib. On altı il sonra yaralanaraq gözünün nurunu itirdiyi Füzuli rayonunda olmasından, ona rayonun fəxri vətəndaşı adının verilməsindən təsirləndiyini, qürurlandığını söyləyib: “Mənim gözlərim işığı görmür, lakin qəlbim qələbə sevincini hiss edir. İnanıram ki, yaxın günlərdə biz Ali Baş Komandan cənab İlham Əliyevin rəhbərliyi altında işğal altında olan torpaqlarımızı düşməndən azad edəcəyik, bayrağımızı Şuşada, Ağdamda Füzulidə dalğalandırıcağıq”.
Qarabağ müharibəsi veteran, “Azərbaycan bayrağı” ordenli Sevindik İsmayılov çıxış edib, keçmiş döyüşçülərini bu gündə döyüşə hazır olduğunu, Ali Baş Komandanın əmrini gözlədiklərini bildirib.
Bolgexeber.com
"Qəlbim qələbə sevincini hiss edir" – İlham Zəkiyev Fizulidə deyib(FOTO)
"Qəlbim qələbə sevincini hiss edir" – İlham Zəkiyev Fizulidə deyib(FOTO)