BolgeXeber.Com » Xəbərlər » Deputatın qardaşı Gömrükdən qovuldu - Sözə görə

Deputatın qardaşı Gömrükdən qovuldu - Sözə görə

30-07-2015, 11:00
Oxunub: 3 938 Milli Məclisin üzvü, Aqrar Siyasət Komitəsinin sədri Eldar İbrahimovun qardaşı Nizami İbrahimov gözlənilmədən Dövlət Gömrük Komitəsinin Xəzər Dənizində Azərbaycan Deputatın qardaşı Gömrükdən qovuldu - Sözə görəRespublikasının İqtisadi Mənafelərinin Mühafizəsi Gömrük İdarəsinin rəisi vəzifəsindən azad edilib

Xəbəri azərtaym.az yayıb.

Nizami İbrahimov günün birinci yarısında iş yerinə gəlib və idarənin kollektivini yığaraq onlarla vidalaşıb. Məlumatdan belə qənaət formalaşır ki, Nizami İbrahimov vəzifədən azad edilməklə yanaşı,onun gömrük orqanlarındakı fəaliyyətinə də xitam verilib.

Azpolitika.info isə xatırladır ki, Eldar İbrahimov cəmi 2 gün əvvəl – iyulun 27-də genetik modifikasiya olunmuş məhsulların ölkə ərazisinə gətirilməsilə bağlı danışarkən, Dövlət Gömrük Komitəsi və Dövlət Sərhəd Xidmətinin bu məsələdəki fəaliyyətsizliyinə diqqət çəkmiş, bu dövlət qurumlarını sərt tənqid etmişdi. Sitat: “Geni dəyişdirilən məhsulların ölkəyə buraxılması, onların insanlara satılması dəhşətli cinayətdir. Gərək aidiyyəti qurumlar, şəxslər məsuliyyətli olsunlar”.

Bundan dərhal sonra Dövlət Gömrük Komitəsi açıqlama yayaraq deputatı təkzib etmişdi.

Bir az əvvəl millət vəkili Eldar İbrahimov məsələ ilə bağlı "Qafqazinfo"ya açıqlama verib. Onun sözlərinə görə, qardaşı həqiqətən də işdən çıxarılıb. Deputat qeyd edib ki, bu xəbər qardaşının “vurulması” kimi qiymətləndirilməməlidir.

Çünki Nizami İbrahimovun artıq 63 yaşı var və o, məhz yaş həddi ilə əlaqədar olaraq işindən uzaqlaşdırılıb.

Eldar İbrahimov qardaşının uzun illər bu sistemdə qüsursuz işlədiyini də vurğulayıb.
Bolgexeber.com