BolgeXeber.Com » Xəbərlər » Polisdən Ramil Usubova şikayət

Polisdən Ramil Usubova şikayət

12-08-2015, 13:30

Oxunub: 4 610

"Iyulun 27-də evə məktub gəldi və məktubdan bəlli oldu ki, həmin ”qayda pozuntusuna" görə 54 manat cərimə olunmuşam"

Paytaxt sakini Cahangir Əlibəyzadə polisdən şikayətçidir. Qaynar.info xəbər verir ki, o, iyulun sonlarında redaksiyamıza yolladığı məktubda bu ayın əvvəlində yol polisinin onu aldatdığını bildirir:

“İyulun 6-da səhər saat təxminən 10.00 radələrində Tiflis prospektindən Şəfaət Mehdiyev küçəsinə dönərkən yol polisi mənim maşınımı saxladı. O, piyada keçidi olmayan yerdə piyadaya yol vermədiyimi əsas gətirib protokol yazdı. Mən bununla razılaşmayıb protokola imza etməyəcəyimi, eyni zamanda protokola qeydlərimi yazacağımı bildirdim. Kiçik çavuş Xalid Idrisli bunun problem olmadığını dedi və mənim mobil nömrəmi götürdü. Bildirdi ki, 10 gün müddətində mənə zəng olunacaq, mən Bakı Şəhər Baş Dövlət Yol Polisi Idarəsinə çağırılacam və şikayətimə orada baxılacaq. Aradan bir həftə keçəndən sonra təsadüfən həmin ərazidə mənə protokol yazan polisi gördüm və heç kimin zəng vurmadığını bildirdim. O da yenə mənə narahat olmamağı və zəngi gözləməyi məsləhət bildi. Iyulun 27-də evə məktub gəldi və məktubdan bəlli oldu ki, həmin ”qayda pozuntusuna" görə 54 manat cərimə olunmuşam".

Şikayətçi qəzet vasitəsilə bir daha daxili işlər naziri Ramil Usubova müraciət edir, problemin ədalətli həllində köməyini əsirgəməməsini istəyir.“Azadlıq” qəzeti

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]