Bizimlə əlaqə | Reklam
BolgeXeber.Com » Xəbərlər » Baş redaktoru ölümlə hədələdilər

Baş redaktoru ölümlə hədələdilər

12-08-2015, 19:27
Oxunub: 4 237 Baş redaktoru ölümlə hədələdilər"Yeni Çağ” qəzetinin baş redaktoru Aqil Ələsgər ölümlə hədələnib

Bu barədə baş redaktor öz facebook profilində yazıb.

Mediaya müraciət edən A.Ələsgər bu barədə hüquq-mühafizə orqanlarına da müraciət edəcəyini bildirib:

"Hörmətli media mənsubları! Mən həyatıma ciddi təhlükə yaranmasaydı, heç vaxt sizə müraciət etməzdim. Azərbaycandakı radikal dinçilərdən Əlixan Musayevlə bağlı Yenicag-da yayımlanan yazıdan sonra özünü Vəli Şükürov kimi təqdim edən şəxs gecə saat 23.14-də zəng edərək “ikinci dəfə qəzaya düşər və sağ çıxa bilməzsən, ölüm səni hər an haqlaya bilər” deyə, hədələmişdir. Bu şəxs “get hara şikayət edirsən et” deyərək, açıq kontekstdə öldürülməklə təhdid etmişdir. Həmin şəxsin mənimlə danışığı və zəng etdiyi nömrə başıma gələ biləcək təhlükə səbəbindən etibarlı dostlarda qorunmaqdadır və hüquq mühafizə orqanlarına təqdim etməyə hazıram.

Mən dünən gecədən etibarən bu şəxsi araşdırdım, öncə bunun sözlü təhdid olduğu qənaətindəydim ki, buna alışmışıq. Lakin bu şəxsin Əlixan Musayev adlı radikal dinçinin çox yaxını olduğunu və ona görə istənilən addımı ata biləcəyini öyrəndim. Özümün və ailəmin təhlükəsizliyi üçün hüquq mühafizə orqanlarına da müraciət edəcəyəm. Çünki bu gün jurnalistləri öldürmək üçün təcrübəli qanqsterlərə ehtiyac yoxdur, 20-21 yaşlı üç beş gəncin beynini yumaq kifayətdir.

Bu arada yaxın dostlarıma mesaj göndərərək, “Aqil Ələsgərə de ki, Allah onun bəlasını verəcək” yazırlar. Xahiş edirəm bu məsələdə yardım edin".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]