İlham Əliyev iki generalı işdən azad etdi
14-08-2015, 13:10
Oxunub: 1 478
Azərbaycan prezidenti İlham Əliyev Cəmşid Naxçıvanski adına Hərbi Litseyin rəisi, general-mayor Mirzə Almasovu və Müdafiə Nazirliyinin Baş Hərbi İnspeksiyasının rəisi, general-mayor, Milli Qəhrəman Fəxrəddin Cəbrayılovu vəzifədən azad edibBu barədə virtualaz.org saytına Müdafiə Nazirliyi sistemindəki mənbələrdən məlum olub.
Müdafiə Nazirliyinin mətbuat xidmətindən isə məlumat nə təsdiq, nə də təkzib olunmayıb. Nazirlikdən virtualaz.org saytına yalnız onu bildiriblər ki, mətbuat Müdafiə Nazirliyi sistemindəki kadr dəyişiklikləri barədə məlumatlandırılacaq.
Yüksək rütbəli iki generalın vəzifəsindən kənarlaşdırıldığını hərbi ekspert Üzeyir Cəfərov da təqsdiqləyib. O, bu haqda öz facebook hesabında məlumat paylaşıb.
Generalların Müdafiə Nazirliyi sistemindəki korrupsiya qalmaqallarına görə etibarlarını itirdikləri və işdən azad olunduqları bildirilir.
Belə ki, iyulun 28-də Baş Prokuror yanında Korrupsiyaya Qarşı Mübarizə Baş İdarəsi Müdafiə Nazirliyinin Baş Hərbi İnspeksiyasının üç yüksək vəzifəli əməkdaşını həbs edib. Zabitlər korrupsiyada və rüşvət almaqda ittiham olunur.
Şübhə yoxdur ki, general Fəxrəddin Cəbrayılovun işdən azad edilməsi də onun başçılıq etdiyi idarədə aşkar olunan korrupsiya faktları ilə əlaqəlidir.
Fəxrəddin Cəbrayılov 2013-cü ildə Zakir Həsənovun müdafiə naziri təyin olunmasından sonra polkovnik rütbəsində ehtiyatdan orduya çağırılıb və Müdafiə Nazirliyi sistemində korrupsiya, digər qanunsuz əməllərin qarşısını almalı olan Baş Hərbi İnspeksiyaya rəis təyin edilib. Belə görünürdü ki, Milli Qəhrəmanın yenidən orduya çağırılması və Baş Hərbi İnspeksiyanın rəisi təyin edilməsi Səfər Əbiyevin dövründə orduda kök salmış korrupsiyaya qarşı mübarizə üçün ona xüsusi etimadın göstərilməsi ilə bağlı idi.
Lakin Cəbrayılov etimadı doğrultmayıb və onun başçılıq etdiyi idarədə korrupsiya, rüşvət əməlləri aşkar olunub.
BOLGEXEBER.COM
Çox Oxunanlar
- 7-04-2021, 11:43 : Səlim Müslümov daha bir vəzifəsini itirdi - Yeni təyinat
Xəbərlər - 7-04-2021, 11:53 : Cəlilabad meşələrində əkilən qoz bağlarına kimlər göz dikib-ŞİKAYƏT(VİDEO)
Gündəm - 9-04-2021, 17:03 : Malik Həsənov: Dağlıq Qarabağ münaqişəsi öz həllini tapıb
Siyasət - 7-04-2021, 11:31 : Vətəndaşların 3.2 milyon manatını mənimsəyən xanım direktor HƏBS EDİLDİ
Xəbərlər - 17-03-2021, 12:24 : Bakı Apelyasiya Məhkəməsindən Ata Abdullayevlə bağlı QƏRAR
Siyasət - 17-03-2021, 17:53 : Malik Həsənov: Zəfərimiz bu gün dünyanın aparıcı ali məktəblərində öyrənilir
Siyasət - 4-04-2021, 14:40 : Azərbaycanda rüşvət alan rəis belə həbs olundu - ANBAAN VİDEO
Xəbərlər - 22-03-2021, 16:22 : Zirəddindən Azərbaycanla bağlı ŞOK PROQNOZLAR - Koronavirus, zəlzələ və... - VİDEO
Xəbərlər - 17-03-2021, 11:37 : Arzu Rəhimovun Göyçaydakı adamı ittiham olunur - MÜRACİƏT
Gündəm - 17-03-2021, 11:14 : Marşrut avtobusları 9 gün işləməyəcək? (AÇIQLAMA)
Sosial