BolgeXeber.Com » Xəbərlər » Rüşvət vermək cinayətdirmi?

Rüşvət vermək cinayətdirmi?

8-09-2015, 18:04

Oxunub: 2 298 Rüşvət vermək cinayətdirmi?

Mövzu ilə bağlı suala hüquqşünas Mehman Muradlı aydınlıq gətirib

Rüşvət verən məsuliyyət daşıyırmı? Mövzu ilə bağlı suala hüquqşünas Mehman Muradlı aydınlıq gətirib.
“Rüşvətvermə və rüşvətalma ictimai təhlükəli cinayət hesab olunur. Rüşvətvermə aktiv rüşvətxorluq sayılır və ona qarşı Cinayət Məcəlləsininin 312-ci maddəsində tutulmuş cəzalar tətbiq edilir. Qanunvericilikdə rüşvətalandan fərqli olaraq rüşvətverəni daha yüngül cəza gözləyir. Belə ki, rüşvət vermə, yəni xidməti vəzifəsinin icrası ilə əlaqədar hər hansı hərəkətin edilməsi və ya belə hərəkətin edilməsindən imtina olunması müqabilində vəzifəli şəxsə onun özü və ya üçüncü şəxslər üçün birbaşa və ya dolayı yolla, şəxsən və ya vasitəçidən istifadə etməklə maddi və sair nemət, imtiyaz və ya güzəşt təklif olunması, vəd edilməsi və ya verilməsi – 1000 manatdan 2000 manatadək miqdarda cərimə və ya əmlakı müsadirə olunmaqla, 2 ildən, 5 ilədək müddətə azadlıqdan məhrum etmə ilə cəzalandırılır.
Eyni zamanda vəzifəli şəxs tərəfindən bilə-bilə qanunsuz hərəkətlər etməyə görə ona rüşvət vermə və ya təkrar rüşvət vermə — 2000 manatdan, 4000 manatadək miqdarda cərimə və ya əmlakı müsadirə olunmaqla 4 ildən, 8 ilədək müddətə azadlıqdan məhrum etmə ilə cəzalandırılır.
Qanunlar rüşvətverən üçün üçüncü hal da müəyyənləşdirib: Əgər rüşvət verən şəxs vəzifəli şəxs tərəfindən tətbiq edilən hədə-qorxu nəticəsində rüşvət verdikdə və ya rüşvət vermə haqqında müvafiq dövlət orqanına könüllü məlumat verdikdə cinayət məsuliyyətindən azad edilir”.

Çox Oxunanlar