BolgeXeber.Com » Xəbərlər » Tərtərdə Qurban bayramı münasibəti ilə təşkil olunan tədbirlər davam etdirilir-FOTO

Tərtərdə Qurban bayramı münasibəti ilə təşkil olunan tədbirlər davam etdirilir-FOTO

28-09-2015, 09:55

Oxunub: 5 359

Müsəlman dünyasının müqəddəs bayramlarından olan Qurban bayramı ölkəmizin hər yerində olduğu kimi Tərtər rayonunda da böyük təntənə ilə qeyd edilir

Rayon icra hakimiyyətinin, idarə və təşkilatların, eləcə də iş adamlarının, imkanlı şəxslərin köməyi ilə rayonun bütün yaşayış məntəqələrində qurbanlıq heyvanlar kəsilmiş, imkansız insanlara, tənha qocalara, əlillərə, şəhid ailələrinə, məcburi köçkünlərə, təmas xəttinə yaxın olan kəndlərin sakinlərinə paylanılmışdır.
Bu tədbirlərə qoşulan “Yeni Üfüq” Mənəvi İrsin Təbliği İctimai Birliyi Tərtər Rayon İcra Hakimiyyəti ilə birlikdə rayonun təmas xəttində yerləşən Şıxarx, Həsənqaya, Çaylı və Qapanlı kəndlərində yaşayan sakinlərə, rayon ərazisində yerləşən hərbi hissələrə, imkansız ailələrə qurban payı və ərzaq yardımı paylamışlar.
Doğmalarının məzarını ziyarət edərkən ermənilər tərəfindən əsir götürülmüş Şahbaz Quluyevin Qapanlı kəndində yaşayan anası Sənəm Quluyevaya, Qapanlı kəmdində toy mağarının atəşə tutulması nəticəsində yaralanmış Müşgünaz, Mədinə və balaca Zəhra Əliyevalara da bayram sovqatı verilmişdir.
Qurban bayramı mərasimində iştirak edən cəbhə bölgəsinin sakinləri onlara göstərilən maddi və mənəvi dəstəyə görə ölkə rəhbəri möhtərəm prezidentimizə öz minnətdarlıqlarını bildirmişlər.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]