Bizimlə əlaqə | Reklam
BolgeXeber.Com » Xəbərlər » Bu gün Şirin Cəfəri həbs oluna bilər

Bu gün Şirin Cəfəri həbs oluna bilər

15-10-2015, 12:24
Oxunub: 4 138 Bu gün Şirin Cəfəri həbs oluna bilərQəzet rəhbərinə qarşı irəli sürülən əsassız ittihmlar onu dəmir barmaqlıqlar arxasına göndərir

Əldə etdiyimiz məlumata görə “Gündəm Xəbər” qəzetinin təsisçisi Cəfəri Şirin Abbasqulu oğluna Azərbaycan Respublikası Baş Prokurorluğu Yanında Korrupsiyaya Qarşı Mübarizə İdarəsi tərəfindən əsassız və qanunsuz olaraq Azərbaycan Respublikası CM-nin 213.2.2-ci maddəsi ilə ittiham irəli sürülmüş və həmin ittihamla iş baxılması üçün 2013-cü ildə Gəncə şəhəri Kəpəz rayon Məhkəməsinə göndərilmişdir.

2013-cü ilin may ayının 20-də Kəpəz rayon Məhkəməsində Cəfəri Şirin Abbasqulu oğluna heç bir əsas olmadan Vergilər Nazirliyinin Audit Departamentinin çıxartdığı cərimə, yəni 71.478.16 manat məbləğində vergidən yayınma müəyyən olunaraq 3 il şərti cəza və 2 il sınaq müddəti seçilmişdi. Hazırda 2015-ci ilin may ayının 20-də həmin sınaq müddəti bitmişdir. Onu da bildirək ki, Şirin Cəfəri bü müddətdə heç bir qanunsuzluqlara yol verməmiş, lazımı qaydalara uyğun hərəkət etmişdir. Həmin iş Apellyasiya Məhkəməsinə və Ali Məhkəməyə şikayət olunmuşddur. Adı çəkilən instansiyalar isə hökmü qüvvədə saxlamırlar.

Bu məsələ ilə əlaqədar olaraq bu gün saat 11.00-da Ədliyyə Nazirliyinin istintaq idarəsində CM-nin 306.2-ci maddəsi ilə Şirin Cəfəriyə ittiham aktı irəli sürülməsi üçün çağırılıb.

Göstərilən maddənin tələblərinə görə Şirin Cəfəri 5 il müddətinə həbs oluna bilər.

Məsələ ilə bağlı Şirin Cəfəri ilə əlaqə saxlamaq istəsək də cəhdimiz baş tutmadı. Məlumatın təfərrüatları barədə qarşıdakı saatlarda məlumat verəcəyik.

Bildirək ki, 2011-ci ildə Vergilər Nazirliyinin çıxartmış olduğu bu saxta qərar Şirin Cəfəri və ictimaiyyət tərəfindən əsassız qərar olduğu fakt və sənədlərlə hər kəsə sübut olunmuşdur. Bu hadisədən Azərbaycan ictimaiyyəti və beynəlxalq təşkilatlarn da məlumatı var idi və ölkəmizdə jurnalistə qarşı atılan bu addımlar hər kəs tərəfindən pislənilmişdi.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]