BolgeXeber.Com » Xəbərlər » Tərtərdə "20 oktyabr -Ümumdünya Statistika Günü"qeyd olundu

Tərtərdə "20 oktyabr -Ümumdünya Statistika Günü"qeyd olundu

16-10-2015, 14:41
Oxunub: 838  Tərtərdə "20 oktyabr -Ümumdünya Statistika Günü"qeyd olundu15 oktyabr 2015-ci ildə Tərtər Rayon Statistika İdarəsinin təşəbbüsü ilə rayonda 20 oktyabr Ümumdünya Statistika Gününə həsr edilmiş tədbir keçirilmişdir

Bolgexeber.com-un məlumatına görə tədbirdə idarə, müəssisə və təşkilatların nümayəndələri, rəsmi statistika məlumatlarının istifadəçiləri və kütləvi informasiya vasitələrinin nümayəndələri iştirak etmişlər.
Tərtər Rayon Statistika İdarəsinin rəisi Ədalət Məmmədov çıxış edərək bildirmişdir ki, Birləşmiş Millətlər Assambleyası 2015-ci il 20 oktyabr gününü “Daha təkmil statistika - daha yaxşı həyat” şüarı altında ikinci Ümumdünya Statistika Günü elan etməyi qərara almışdır. Qəbul olunmuş qətnamədə deyilir ki, Ümumdünya Statistika Günü oktyabrın 20-də beş ildən bir qeyd olunacaq. Birinci Statistika Günü 2010-cu ildə keçirilib. Bu gün bütün dünya ölkələrində, BMT və digər beynəlxalq təşkilatlarda qeyd edilir. Azərbaycan statistikləri üçün bu günün əhəmiyyətli olması həm də ondan ibarətdir ki, 2015-ci ildə azərbaycanda statistikanın təşkilindən 169 il keçir və rəsmi statistikanın 95 yaşı tamam olur.
Ə.Məmmədov Azərbaycan statistikasının tarixi, bugünü və gələcək inkişaf perspektivləri, sosial-iqtisadi siyasətin formalaşdırılmasında rolu ilə bağlı məlumatların ictimaiyyətə dolğun şəkildə çatdırılmasına və 2015-ci ilin 9 ayında idarənin fəaliyyətinə dair tədbir iştirakçılarına geniş məlumat vermişdir.
Sonra “Yeni Tərtər” qəzetinin qəzetinin redaktor müavini Svetlana Bağırova, İrəvanlı kənd İƏD üzrə nümayəndə Bəxtiyar Cəfərov çıxış edərək statistikanın əhəmiyyəti və statistikanın cəmiyyətdə rolu haqqında çıxış etmişlər.
Sonda Tərtər Rayon İcra Hakimiyyəti başçısının birinci müavini Ramiz Şabanov çıxış edərək, statistikanın bu gün əhalinin həyat səviyyəsinin yüksəldilməsi üçün vacib qərarların qəbul edilməsinin zəruriliyindən danışmış və 20 oktyabr Ümumdünya Statistika Günü münasibəti ilə statistika işçilərini təbrik etmişdir.