Bizimlə əlaqə | Reklam
BolgeXeber.Com » Xəbərlər » Deputat Eldar Mahmudovla şərik olub

Deputat Eldar Mahmudovla şərik olub

20-10-2015, 12:11
Oxunub: 4 220 Deputat Eldar Mahmudovla şərik olub“European Tobacco”dakı gəlirləri nazirlə deputat bərabər bölüblər, onun millət vəkilinin mandat alması ilə bağlı təqdimatı da sabiq MTN şefinin verdiyi deyilir

73 saylı Lənkəran Şəhər Seçki Dairəsindən namizədliyini irəli sürmüş deputat Rüfət Quliyevin sabiq MTN şefi Eldar Mahmudovla şərik olduğu üzə çıxıb. Məlumata görə, Quliyevlə Mahmudovun şərik olduğu sahə siqaret biznesini əhatə edib.

Belə ki, hazırda “European Tobacco” şirkətinin rəhbəri olan və ölkədə siqaret istehsalı sahəsində inhisarçı kimi ad çıxarmış deputat uzun müddət imiş keçmiş MTN şefi ilə şəriklik edirmiş. Hətta bir xeyli müddət Mahmudov öz imkanları hesabına Rüfət Quliyevin mətbuatda “vurulmasının” qarşısını alıb. Ki, adı ortalıqda çox hallanmasın.

Bəzi iddialara görə, Rüfət Quliyevin deputat mandatı sahibi olmasında da sabiq nazirin rolu olub. Məhz Eldar Mahmudovun verdiyi təqdimat sayəsində sözegdən şəxs deputat siyahısında yer ala bilib. Elə bu seçkilərdə də Rüfət Quliyevin zəmanətinin keçmiş MTN şefi tərəfindən verildiyi deyilir.

JAM.AZ xəbər verir ki, Lənkəranda heç bir nüfuzu olmayan Rüfət Quliyevin bu məsələdən sonra mandat sahibi ola biləcəyi düşünülür. Ehtimal edilir ki, dövlətə xəyanətdə ittiham olunan sabiq nazirin adamlarının parlamentə buraxılmasına imkan verilməyəcək.

Xatırladaq ki, 73 saylı Lənkəran şəhər seçki dairəsində Rüfət Quliyevin alternativi həddinədn artıq güclü bir namizəddir. Məşhur uroloq Cavad Cavadzadənin nəvəsi Hüseyn Cavadzadə həm əhalinin rəğbətini qazana bilib, həm də sürətli təbliğat kampaniyası aparır. Belə ehtimal etmək olar ki, bu seçkilərdə hazırkı deputatı elə məşhur uroloqun nəvəsi əvəz edəcək.

Qarşı tərəfi də dinləməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]