Bizimlə əlaqə | Reklam
BolgeXeber.Com » Xəbərlər » Deputat 10-a yaxın mənzili MTN rəhbərliyinə niyə verib?

Deputat 10-a yaxın mənzili MTN rəhbərliyinə niyə verib?

2-11-2015, 10:34
Oxunub: 3 529 Deputat 10-a yaxın mənzili MTN rəhbərliyinə niyə verib?Şəmsəddin Hacıyev rektor olarkən onu sözüegdən nazirliyin başında duranlar himayə edirmiş

29 sayli Səbail seçki dairəsidən deputat seçilmiş Şəmsəddin Hacıyevin də MTN-lə bağlı bir sıra əlaqələri olub. JAM.AZ-ın əldə etdiyi məlumata görə, Milli Məclisin Elm və Təhsil Komissiyasının sədri, deputat, İqtisad Universitetinin sabiq rektoru hələ xeyli əvvəldən nazirliyin himayəsinə sığınıbmış.

Məlumatda vurğulanır ki, Şəmsəddin Hacıyev hələ ADİU-nun rektoru olan zaman mətbuatla bağlı problemlərini məhz bu nazirlik vaxitəsi ilə yoluna qoyurmuş. Belə ki, sabiq rektor mətbuatda haqqında gedən tənqidi yazıları yazanları bir şəkildə MTN əməkdaşları tərəfindən ya cəzalandırıb, ya da onları bir şəkildə susdurub. Düzdür, onun bu məqsədlə külli miqdarda pullar xərclədiyi də deyilir. Amma həmin pulların mətbuata deyil, onu himayəsinə almış MTN işçilərinə verildiyi vurğulanır.

JAM.AZ-ın araşdırmalarına görə, deputat MTN rəhbərliyinə də borclu qalmırmış. O, bir sıra işlərini yoluna qoymaq üçün də nazirliyin rəhbərliyinin yardımlarına güvənirmiş. Hətta bu işlərin müqabilində bəzi MTN generallarına evlər də hədiyyə edirmiş.

Araşdırmalar zamanı məlum olub ki, sabiq rektor, hazırda deputat olan Hacıyev hələ bir müddət əvvəl “20 YANVAR” Dairəsinə yaxın yerdə inşa etdiyi 3 binanın 10-a yaxın mənzilini MTN-dəki himayəçilərinə hədiyyə edib.

Daha sonra isə iş o həddə qədər gəlib ki, deputat bu evlərdən daha birini elə nazirliyin rəhbərliyini tapşırığı ilə MTN-lə bağlı olan media mənsublarından birinə verib. Həmin şəxsin adı bizə məlum olsa da, etika xatirinə çəkmirik.

Maraqlıdır, Şəmsəddin Hacıyevin MTN-ə qarşı bu qədər səxavətli olmasının səbəbi nə olub?

Qarşı tərəfi də dinləməyə hazırıq.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]