BolgeXeber.Com » Xəbərlər » MTN-in xanım generalı ev dustağı edildi

MTN-in xanım generalı ev dustağı edildi

26-11-2015, 15:13

Oxunub: 746 MTN-in xanım generalı ev dustağı edildi

19 şəxs barəsində həbs qətimkan tədbiri seçilib

Azərbaycan Milli Təhlükəsizlik Nazirliyinin (MTN) barəsində başqa yerə getməmək haqqında iltizam qətimkan tədbiri seçilmiş sabiq əməkdaşının adı məlum olub.

Bolgexeber.com xəbər verir ki, “Report”un əldə etdiyi məlumata görə, bu, MTN-in Əməliyyat-Texniki İdarəsinin sabiq rəisi, general-mayor Natəvan Mirvətovadır.

Qeyd edək ki, dünən Baş Prokurorluğun yaydığı məlumatda MTN-in 21 sabiq əməkdaşının Cinayət Məcəlləsinin müvafiq maddələri ilə təqsirləndirilən şəxs qismində cəlb edildiyini bildirilib.

19 şəxs barəsində həbs qətimkan tədbiri, 1 nəfər barəsində başqa yerə getməmək haqqında iltizam qətimkan tədbiri seçilib, istintaqdan yayınan 1 şəxs barəsində isə həbs qətimkan tədbiri seçilməklə axtarış elan edilib.

Milli Təhlükəsizlik Nazirliyinin əməkdaşlarının törətdiyi cinayət əməlləri nəticəsində hüquqları pozulmuş 57 nəfər zərər çəkmiş şəxs qismində tanınıb. Onlara dəymiş ziyanın ümumi məbləğinin on milyonlarla manat olduğu müəyyən edilib.

Hazırda ayrı-ayrı vətəndaşlardan yeni müraciətlər daxil olmaqdadır. Müraciətlərdə göstərilən bütün xüsusatların tam, hərtərəfli və obyektiv araşdırılması təmin edilərək, zərərçəkmiş şəxslərin pozulmuş hüquqlarının bərpası istiqamətində zəruri tədbirlər görülür.

Cinayət işi üzrə istintaq-əməliyyat tədbirləri davam etdirilir.

Çox Oxunanlar