BolgeXeber.Com » Xəbərlər » İsmayıllıda baş həkim benzin satır

İsmayıllıda baş həkim benzin satır

11-12-2015, 12:01
Oxunub: 1 285 İsmayıllıda baş həkim benzin satırİsmayıllı səhiyyəsində qanunsuzluqlar ifşa edilib

Bolgexeber.com cumhuriyyet.az-a istinadla xəbər verir ki, baş həkim Aftandil Rəhimovun təqaüdə göndərilməsindən sonra onun postu uğrunda amansız mübarizə gedib.
Rayon rəhbərliyinin baş həkim yerinə təyin olunması üçün Bakıya göndərdiyi nümayəndəni isə səhiyyə naziri Oqtay Şirəliyev qəbul etməyərək geri qaytarıb. Həmin həkim tələb olunan rüşvətdən xeyli az miqdarda pul ilə nazirliyə gedibmiş.
Məlumatda qeyd olunub ki, rayon xəstəxanası bu illər ərzində bir qrup şəxsin mülkiyyətinə çevrilib. Dövlət tərəfindən ayrılan tibbi ləvazimatlar, pereparatlar, texnika üçün ayrılmış yanacaq, təkər, digər ehtiyyat hissələri və ən əsası ərzaq məhsulları satılır.
Şəkərli diabetdən əziyyət çəkənlər dövlət tərəfindən ayrılmış dərmanlar, insulinlər əldə edə bilmir.

Xəbərdə o da deyilir ki, baş həkimin sürücüsü Ataş həm dərman biznesinə baxır, həm xəstəxana üçün gəlmiş avtomobillərin ehtiyyat hissələrini rayonda satır, həm işə adam götürüb, çıxarır. Baş həkimin də pulunu o yığır.
Rayon rəhbərliyi baş həkim Aydın Əsədova tapşırıb ki, Ataşı bu müəssisədən uzaqlaşdırsın. Ancaq o baş həkimə necə lazımdırsa, onu təsərrüfat müdiri təyin edib.