7 saylı TSEK-də əlillik dərəcəsi almaq niyə çətindir?
11-12-2015, 14:29
Oxunub: 2 330
Şikayətçilər deyir ki, Pərviz Bənənyarlı maraqlarına xidmət edir, burada hətta sağlam adam da dərəcə ala bilər
Əmək və Əhalinin Sosial Müdafiəsi Nazirliyində (ƏƏSMM) kadr dəyişikliyindən sonra yeni nazir Səlim Müslümov bir çox işçilərlə yollarını ayırdı. Sabiq nazir Füzuli Ələkbərovun dönəmindən qalanların böyük əksəriyyəti işdən çıxarıldı. Əksəriyyət elə zənn edirdi ki, yeni komandanın fəaliyyətində tutarlı dəyişikliklər olacaq. Lakin gedişatdan belə məlum olur ki, cənab nazirin etimad göstərib, güvəndiyi məmurlar heç də onun adını ucaltmaq fikrində deyillər.
JAM.AZ xəbər verir ki, 7 saylı Nizami rayon Tibbi-Sosial Ekspert Komissiyasında (TSEK) rəhbər dəyişikliyi bu ilin iyununda baş verib. Kamil Məmmədovun işdən çıxarılmasından sonra onu Pərviz Bənənyarlı əvəz edib.
Bu ərazi üzrə əlillik dərəcəsi almaq istəyənlər və ya təkrar komissiyadan keçmək arzusunda olanlar ilk əvvəl sevincək olublar ki, qaydalar dəyişib və onlar asanlıqla istədiklərinə nail olacaqlar. Amma gözlənilənlərdən fərqli olaraq, durum tamamilə başqa olub.
Müaciət edən sakinlər bildirirlər ki, Kamil Məmmədovun da vaxtında vəziyyət acınacaqlı idi. Lakin Pərviz Bənənyarlının da onun yolunu gedəcəyini gözləmirmişlər. «Nizami TSEK-də əlillik dərəcələrinin müəyyənləşdirilməsində ciddi nöqsanlar var. Vətəndaşlar etdikləri müraciətlərin müqabilində aldıqları cavablardan məmnun deyillər. Üstəlik, süründürməçilikdən də boğaza yığılıblar».
Onlar vurğulayırlar ki, 7 saylı TSEK-in sədri əlillik dərəcəsi istəyən və bunu haqq edənləri müxtəlif bəhanələrlə qəbul etmir, sənədlərini yoxlamır və bir çox hallarda müraciətləri araşdırmaqdan boyun qaçırır. «Bütün bunların edilməsinin tək səbəbi onun maraqlarının təmin olunub, olunmamasıyla bağlıdır. Əgər maraqları təmin olunarsa, işlər qısa müddətdə həllini tapır. Əks təqdirdə, dərəcə almaq istəyənlər qapıdan qaytarılırlar».
Camaat iddia edir ki, 7 saylı TSEK-in xətti ilə əlillik dərəcəsi alanlar arasında kifayət qədər sağlam insanların olduğu kimsəyə sirr deyil. «Bu adamların hansı yolla əlillik dərəcəsi əldə etdikləri də gizlin məsələ sayılmır. Əgər nazirlikdən yoxlama gələrsə, Pərviz Bənənyarlının işə gəldiyi gündən indiyə qədər sağlam adamlara da əlillik dərəcəsi verdiyini aşkarlaya bilər».
Qarşı tərəfin də mövqeyini dərc etməyə hazırıq.
Bolgexeber.com
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər