BolgeXeber.Com » Xəbərlər » Bakıda ana 2 yaşlı oğlunu küçəyə atıb – RƏSMİ

Bakıda ana 2 yaşlı oğlunu küçəyə atıb – RƏSMİ

12-02-2016, 18:18

Oxunub: 3 639

Sosial şəbəkələrdə yayılan məlumatlara aydınlıq gətirildi

Daxili İşlər Nazirliyi Bakıda küçədə tapılan azyaşlı ilə bağlı yayılan məlumatlara aydınlıq gətirib.

Bolgexeber.com xəbər verir ki, Nazirliyin mətbuat xidmətinin şöbə rəisi Orxan Mansurzadə APA-nın sorğusuna cavabında bildirib ki, ötən gün axşam saatlarında Xətai rayonu ərazisində tapılan azyaşlı oğlan uşağı olub və onun 2 yaşı var.

“Küçədə tapılan uşaq sakinlər tərəfindən Xətai Rayon Polis İdarəsinin 37-ci Polis Bölməsinə təhvil verilib. Araşdırmalar zamanı tapılan uşağın 2014-cü il təvəllüdlü Yusif Tofiq oğlu Məmmədov olması müəyyən edilib. Həyata keçirilən tədbirlər nəticəsində uşağın anası İlhamə Məmmədova polisə dəvət olunub. Polis əməkdaşlarının uşağın anası ilə apardığı profilaktik söhbət əsnasında məlum olub ki, o azyaşlını özü bilərəkdən küçəyə atıb. İmtina etməsinə səbəb kimi isə o uşağa baxa bilmədiyini göstərib. Məhz bu səbəbdən də o uşağı küçəyə buraxıb və hansısa imkanlı bir adamın onu taparaq aparmasını, uşağa sahib çıxmasını istəyib”, - deyə O.Mansurov bildirib.

O, qeyd edib ki, küçədən uşağın tapılması barədə sosial şəbəkələrdə məlumat yayılandan dərhal sonra bir neçə nəfər polisə ərizə ilə müraciət edərək həmin uşağı himayəsinə götürmək istəyib. Polis əməkdaşları həmin şəxslərə bu proseduran qaydalarını izah edərək onları aidiyyəti qurumlara müraciət etmələri barədə xəbərdarlıq edib.

Sonradan uşağın anası İlhamə Məmmədova qərarını dəyişib və övladına sahib çıxacağını bildirərək uşağı özü ilə aparıb.

O. Mansurzadə həmçinin qeyd edib ki, araşdırmalar zamanı o da məlum olub ki, İ. Məmmədovanın bundan başqa daha bir övladı var və 7 yaşlı həmin uşaq hazırda Bakı şəhərindəki internat məktəblərindən birində saxlanılır.

Qeyd edək ki, ötən gün axşam saatlarında sosial şəbəkələrdə Bakının Xətai rayonu ərazisində, “Qara Şəhər” adlanan yerdə küçədən ağlayan qızın tapılması barədə məlumatlar yayılıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]