Bizimlə əlaqə | Reklam
BolgeXeber.Com » Xəbərlər » Məktəb direktorları hansı pulla “Şah” kimi yaşayırlar?

Məktəb direktorları hansı pulla “Şah” kimi yaşayırlar?

2-03-2016, 16:08
Oxunub: 3 671 Məktəb direktorları hansı pulla “Şah” kimi yaşayırlar?Bu gün ümumtəhsil məktəblərində ən böyük problemlərdən biri də direktorlardır desək, yəqin ki, hər biriniz bizimlə razılaşarsınız

Ona görədir ki, məktəb direktorlarından şikayətlərin ardı-arası kəslimir.

Direktorların özbaşınalıqları, şagirdlər, valideynlər və hətta müəllimlərlə sərt davranışları, qeyri-qanuni hərəkətləri bitib-tükənmək bilmir. Və o da həqiqətdir ki, bu gün məktəb direktorları “Şah” kimi yaşayırlar və hansısa direktoru imkansız hesab etmək olmur. İndi onlar əhalinin varlı təbəqəsi hesab olunurlar. Təbii ki, buna etirazımız yoxdur, olsunlar. Ancaq hansı pulla varlanırlar? Axı onların aylıq məvacibi “Şah” olmalarına adekvat deyil.

Təhsil Nazirliyindən məsələ ilə bağlı Modern.az saytına bildirilib ki, direktorların fəaliyyəti ilə bağlı daxil olan ərizə və şikayətlər nazirliyin aidiyyəti şöbələri tərəfindən araşdırılır və şikayət əsaslı olduğu təqdirdə müvafiq tədbirlər həyata keçirilir.

Nazirlikdən qeyd edilib ki, 2015-ci il ərzində əmək funksiyalarını qismən və ya tam yerinə yetirmədiklərinə görə 34 nəfər məktəb direktorunun barəsində əmək qanunvericiliyinə əsasən, intizam tənbehi tədbirləri tətbiq edilib. Əmək müqaviləsi üzrə müəyyən edilmiş vəzifələrini pozduqlarına, əmək funksiyası və əmək müqaviləsi üzrə öhdəliklərini yerinə yetirmədiklərinə görə 20 nəfər məktəb direktoru işdən azad edilib.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]