BolgeXeber.Com » Xəbərlər » Salyan icra başçısından ilk möhtəşəm qəbul

Salyan icra başçısından ilk möhtəşəm qəbul

12-03-2016, 14:57

Oxunub: 6 218 Salyan icra başçısından ilk möhtəşəm qəbul

Sevindik Hətəmov əhali ilə görüşlərə başladı, ilk qəbula 150 nəfər adam gəlib

Məlum olduğu kimi, bir müddət əvvəl prezidentin sərəncamı ilə Salyanın icra başçısı dəyişdirilib.Bolgexeber.com xəbər verir ki, dövlət başçısının yeni sərəncamı ilə Tahir Kərimovu Yardımlının icra başçısı işləmiş Sevindik Hətəmov əvəzləyib.

Qeyd edək ki, Hətəmov hələ Yardımlıda işlədiyi zaman maksimum dərəcədə əhali ilə təmaslar qurur, rayonda bütün xeyir və şərlərdə iştirak edərək, görüşlərini də orada keçirirdi. Üstəlik, mövcud problemlərin aradan qaldırılması üçün bir sıra addımlar atdığını elə camaatın özü də təsdiqləməkdədir.

Salyana icra başçısı təyin olunmasının üzərindən 1 həftə keçməsinə baxmayaraq, Sevindik Hətəmov bu rayonda da Yardımlı variantını tətbiq etməyə başlayıb. Belə ki, dünən 170 nəfərə yaxın şəxs İcra Hakimiyyətinə gələrək, icra başçısının qəbuluna yazılıblar. Onlar üzləşdikləri problemləri rayon rəhbərinin diqqətinə çatdırıblar.

Verilən məlumatda vurğulanır ki, qəbula gələnlər arasında problemləri yerindəcə həll olunanlar olub ki, onlarla bağlı dərhal tədbir görülüb. Lakin bir çox məsələlərlə bağlı araşdırmaya əsas olduğundan onlarla bağlı yekun qərarların verilməsi bir qədər sonraya saxlanılıb. Lakin Sevindik Hətəmov bildirib ki, o, bundan sonra mütəmadi olaraq qəbullar keçirərək, rayonun problemlərini yoluna qoymaq üçün zəruri olan bütün addımları atacaq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]