BolgeXeber.Com » Xəbərlər » Cəlilabadda bayram yarmarkası keçirildi

Cəlilabadda bayram yarmarkası keçirildi

14-03-2016, 12:24

Oxunub: 1 217

14 mart 2016-cı il tarixdə Cəlilabad Rayon İcra Hakimiyyəti tərəfindən təşkil olunan və səhər saatlarından başlayan yarmarkaya əhalinin tələbatına müvafiq olaraq 60 tondan artıq məhsul çıxarılıb

Satışa çıxarılan bayram sovqatları, un, düyü, şirniyyat, meyvə,kartof,soğan,pomidor,xiyar,tərəvəz,yumurta,quş əti, arıçılıq və digər məhsullar bazar qiymətlərindən 25-30% aşağı satılıb.Cəlilabad Rayon İcra hakimiyyəti başçısı Əziz Əzizov və aparatının məsul işçiləri satış-yarmarkada məhsulların keyfiyyəti ilə maraqlanıb və bildirib ki,belə yarmarkaların keçirilməsində məqsəd əhalinin ərzaq məhsullarına tələbatını daha dolğun ödəməkdir.

Bolgexeber.com-a daxil olan məlumatlarda deyilir ki, sakinlər qiymətlərdən ,yaradılan şəraitdən razılıqlarını və satış yarmarkaların süni qiymət artımının qarşısını almaqda mühüm əhəmiyyətə malik olduğunu bildirib .Qeyd edək ki,Cəlilabadda hər həftənin ikinci günü ərzaq və kənd təsərrüfatı məhsullarının satış yarmarkası keçirilməsi artıq ənənə halını alıb və mütamadi olaraq davam etdirilir.

Çox Oxunanlar