BolgeXeber.Com » Xəbərlər » Bacısına elçi gələni bıçaqlayıb, özünü öldürmək istədi

Bacısına elçi gələni bıçaqlayıb, özünü öldürmək istədi

15-03-2016, 15:53

Oxunub: 2 079 Bacısına elçi gələni bıçaqlayıb, özünü öldürmək istədi

Ağdamda baş verən insidentin təfərrüatı açıqlanıb

APA-nın Qarabağ bürosunun xəbərinə görə, bu gün İmamqulubəyli məcburi köçkün qəsəbəsində yaşayan Papravənd kəndindən məcburi köçkün Sərxan Süleymanovun intihara cəhd etməzdən əvvəl bıçaqlanma hadisəsi törətdiyi məlum olub.

S. Süleymanov Göyçay rayon sakini olan Nəsib adlı şəxsə 4 bıçaq zərbəsi vurub. Həmin şəxs xəstəxanaya yerləşdirilib.

Göyçay rayon sakininin ailə üzvləri ilə birgə S. Süleymanovun bacısına elçi gəldiyi bildirilib. Yaxınlarından birinin yenicə dünyasını dəyişdiyini, yas saxladıqlarını deyən Sərxan əsəbiləşərək onu bıçaqlayıb.

Qeyd edək ki, bu gün İmamqulubəyli məcburi köçkün qəsəbəsində yaşayan Papravənd kəndindən məcburi köçkün Sərxan Süleymanov ov tüfəngi ilə özünə atəş açacağını bildirib.

Hadisə yerinə gələn polis əməkdaşları onu fikrindən daşındırmağa cəhd ediblər. Danışıqlardan sonra S. Süleymanov silahı polislərə təqdim edib.

İntihar cəhdini qəsəbə sakinlərindən biri ilə aralarında yaranan münaqişə ilə əlaqələndirən S. Süleymanov rayon Polis Şöbəsinə aparılıb.

Ağdam Rayon Polis Şöbəsindən APA-ya verilən məlumata görə, Sərxan Süleymanov intihara cəhdinin dəqiq səbəbini hələlik açıqlamır. Ağdam sakininin etirazına səbəb olan şəxsin axtarışı elan olunub.

Çox Oxunanlar