BolgeXeber.Com » Xəbərlər » Tərtərin Sarov kənd sakinləri ikiqat bayram sevinci yaşadılar-

Tərtərin Sarov kənd sakinləri ikiqat bayram sevinci yaşadılar-

16-03-2016, 16:13

Oxunub: 4 019

Tərtər şəhəri və rayonun 34 kəndi təbii qazla təmin olunub

Tərtər rayonunun təbii qazla təmin olunan yaşayış məntəqələrinin sırasına Sarov kəndi də əlavə olunub. 1346 nəfər əhalisi olan kəndin qazlaşdırılması üçün birpilləli sistem əsasında ümumi uzunluğu 15 min paqonometr müxtəlif diametrli polietilen və metal borularla daşıyıcı və məhəllədaxili qaz xətləri çəkilib. Mənzillərə 297 ədəd sayğac və fərdi tənzimləyici quraşdırılıb.
Kəndə təbii qazın verilməsi münasibətilə keçirilən tədbirə rayon icra hakimiyyətinin nümayəndələri, “Azəriqaz” İstehsalat Birliyinin təmsilçiləri və kənd sakinləri böyük sevinclə qatıldılar.

Çıxış edən sakinlərindən kənd ağsaqqalı Mənsim Allahverdiyev, Surxay Mirzəyev, Svetlan Hüseynova bayram ərəfəsində kəndlərinə təbii qazın verilməsinə, regionların inkişafına, əhalinin sosial problemlərinin həllinə göstərdiyi yüksək diqqət və qayğıya görə kənd sakinləri adından dövlətimizin başçısına minnətdarlıqlarını bildiriblər.
Tədbiridə iştirak edən Tərtər Rayon İcra Hakimiyyəti başçısı Müstəqim Məmmədov çıxış edərək təbii qazın verilməsi münasibəti ilə sakinləri təbrik etdi. Azərbaycan Respublikasının Prezidenti cənab İlham Əliyevin diqqət və qayğısı ilə ölkəmizdə həyata keçirilən sosial-iqtisadi inkişafdan, cəbhə bölgəsinə göstərilən dövlət qayğısından, infrastrukturun yaxşılaşdırılması, yaşayış məntəqələrinin qazlaşdırılması istiqamətində görülən işlərdən danışdı.
Bildirdi ki, Tərtər şəhəri və rayonun 34 kəndi təbii qazla təmin olunub. Hazırda rayonun Seydimli, Kəbirli, Xoruzlu, Dəmirçilər, Ağkənd, Azad Qaraqoyunlu, Aşağı Qapanlı, İlxıçılar kəndlərində qazlaşma işləri sürətlə davam etdirilir, yaxın günlərdə bu kəndlərdə də təbii qaz sakinlərin istifadəsinə veriləcəkdir.
Sonra M.Məmmədov bir daha sakinləri kəndə qazın verilməsi və Novruz bayramı münasibəti ilə təbrik etdi.
Rayon rəhbəri ağsaqqalların iştirakı ilə “mavi alov”un açılışını bildirən rəmzi məşəli alovlandırdı, kənd sakini Surxay Mirzəyevin fərdi yaşayış evində təbii qazın alovlandırılmasında iştirak etdi.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]