BolgeXeber.Com » Xəbərlər » Aberdin Azərbaycan Cəmiyyəti Novruz bayramını qeyd edib - FOTOLAR

Aberdin Azərbaycan Cəmiyyəti Novruz bayramını qeyd edib - FOTOLAR

19-03-2016, 13:44

Oxunub: 3 834 Aberdin Azərbaycan Cəmiyyəti Novruz bayramını qeyd edib - FOTOLAR

Azərbaycan xalqı hər il martın 20-21-ni təbiətin canlanması ilə əlaqədar yeni ilin başlanğıcı – Novruz bayramı kimi qeyd edir

Əsrlərin sınağından çıxmış milli-mənəvi dəyərlərimizi, adət-ənənələrimizi özündə yaşadan Novruz insanlar arasında birliyin və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam bir təməl yaradıb. Novruz ruh yüksəkliyi, əmək coşqunluğu, torpağa, insana məhəbbət bayramıdır. Bu səbəbdən xalqımız bu bayramı böyük rəğbət və sevgi ilə qarşılayır. Lakin qeyd etmək lazımdır ki, bəzi həmvətənlilərimiz bu bayramı öz doğma torpaqlarında keçirə bilməsələr də, baharın gəlişini, adət-ənənələrimizi yad ölkələrdə də yaşatmağa çalışırlar.

Bolgexeber.com xəbər verir ki, tədbir Aberdin Azərbaycan Cəmiyyətinin sədri, Aberdin Universitetinin tələbəsi Kənan Əliyevin çıxışı ilə başlayıb. Novruz bayramı haqqında, eləcə də Azərbaycanın tarixi, mədəniyyəti və müasir inkişafı barədə qonaqlara ətraflı məlumatlar verilib.

K.Əliyev bildirib ki, Azərbaycan Respublikasını xaricdə təmsil edən gənclər olaraq Novruz bayramını təhsil aldıqları universitetdə də yaşatmağa çalışıblar. Universitetin Azərbaycan Cəmiyyəti həmin ali təhsil müəssisəsində baharın gəlişini yerli və xarici tələbələrlə birlikdə keçirib.

Qonaqlar Cəmiyyətin üzvləri tərəfindən ifa edilən Azərbaycanın milli musiqi və rəqsləri ilə tanış olublar. Eyni zamanda, tədbir zamanı qonaqlara Azərbaycan mətbəxinin zəngin çeşidli yeməkləri təqdim olunub və milli adətlərə uyğun olaraq hazırlanmış bayram xonçaları da diqqətlərinə çatdırılıb.

Tədbir iştirakçıları Azərbaycanın milli adətlərini yüksək rəğbətlə qarşılayıb və tədbirdə əməyi keçən hər bir tələbəyə öz təşəkkürlərini bildiriblər.
Aberdin Azərbaycan Cəmiyyəti Novruz bayramını qeyd edib - FOTOLAR

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]