BolgeXeber.Com » Xəbərlər » Tərtər məktəbliləri Lənkəran-Lerik-Astara marşrutu üzrə tur-aksiyaya başladılar - FOTOLAR

Tərtər məktəbliləri Lənkəran-Lerik-Astara marşrutu üzrə tur-aksiyaya başladılar - FOTOLAR

24-03-2016, 11:58

Oxunub: 3 513 Tərtər məktəbliləri Lənkəran-Lerik-Astara marşrutu üzrə tur-aksiyaya başladılar - FOTOLAR

Azərbaycan Prezidenti İlham Əliyevin tapşırığına əsasən ölkəmizin tarixinin, mədəniyyətinin, adət-ənənələrinin, müstəqillik illərində əldə edilmiş nailiyyətlərin dərindən öyrənilməsi məqsədilə “Ölkəmizi tanıyaq” adı ilə keçirilən maarifləndirici tur-aksiyaya Tərtər rayonunun məktəbliləri də qoşulub

Martın 24-də Tərtər şəhərində rayonun məktəblilərindən ibarət qrupun Lənkəran-Lerik-Astara marşrutu üzrə tur-aksiyada iştirak etmək üçün yola salınması mərasimi keçirilib.

Bolgexeber.com xəbər verir ki, Heydər Əliyev Mərkəzində keçirilən mərasimdə rayon İcra Hakimiyyətinin başçısı Müstəqim Məmmədov çıxış edərək, gənc nəslin hərtərəfli inkişafı üçün ölkəmizdə yaradılan şəraitdən danışıb, dövlət başçısının tapşırığına əsasən təşkil olunan aksiyanı məktəblilərin dünyagörüşünün formalaşmasında mühüm rol oynayacağını bildirib. Hər bir bölgənin özünəməxsus xüsusiyyətləri, tarixi abidələri, adət-ənənələri, kulinariyası, coğrafiyası olduğunu qeyd edərək, tur-aksiya iştirakçılarına getdikləri bölgə haqqında geniş bilgilər əldə etməyi, yeni dostlar tapmağı tövsiyə edib və mənalı istirahət arzulayıb.
Rayon rəhbərliyinin, təhsil işçilərinin və valideynlərin iştirak etdiyi tədbirdə çıxış edənlər dövlətimizin başçısının tapşırığına əsasən təşkil olunan aksiyada məktəblilərə mənalı istirahət arzuladılar. Qeyd olundu ki, respublikamızın bütün bölgələrini əhatə edən maarifləndirici tur-aksiyaya bu gün cəbhə bölgəsində yerləşən Tərtər rayonunun məktəbliləri də qoşulur. Onların sevincini dillə ifadə etmək çətindir. Tur-aksiya şagirdlərin yaddaşında həmişəlik qalacaq, onların Vətənini, dövlətini sevən bir vətəndaş kimi formalaşmasında mühüm rol oynayacaq.
Sonra Heydər Parkında məktəblilər rayon mədəniyyət evinin rəqs qrupu ilə birgə rəqs edib şənləndilər.
Tur-aksiyada iştirak edən şagird, müəllim və müşayiətçilər ulu öndər Heydər Əliyevin Tərtər şəhərinin mərkəzi meydanındakı abidəsini ziyarət etdikdən sonra Lənkəran-Lerik-Astara marşrutu üzrə yola düşdülər.
Tərtər məktəbliləri Lənkəran-Lerik-Astara marşrutu üzrə tur-aksiyaya başladılar - FOTOLAR

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]