BolgeXeber.Com » Xəbərlər » Ziya Məmmədovun adamına qarşı ağır ittihamlar - İLGİNC

Ziya Məmmədovun adamına qarşı ağır ittihamlar - İLGİNC

28-03-2016, 14:11
Oxunub: 852  Ziya Məmmədovun adamına qarşı ağır ittihamlar - İLGİNC Azərbaycanını Nəqliyyat nazirinin Ukraynadakı biznesi çökdürülür

Bu barədə şəxsən Ukrayna prezidentinin tapşırıq verdiyi iddia olunur.Səbəb olaraq isə Ziya Məmmədovla Ukrayna prezidenti Petr Poroşenkonun əsas rəqiblərindən biri və Ukraynanın ən varlı oliqarxlarndan biri olan İqor Kolomoyski ilə biznes əlaqələrinin ortaya çıxmasıdır.Qeyd edək ki, yəhudi əsilli ukraynalı milyarder “Maydan” inqilabının əsas təşkilatçılarından və mayliyyə mənbələrindən biri olub. O Ukraynanın əsas sənayə-maliyyə biznes qruplaşmalarından birir olan “Privat” qrupunun əsasını qoyub. 2015-ci ildə İqor Kolomoyski Ukraynanın ən varlı şəxsləri arasında ikinci sırada qərar tutub. İnqilabdan sonra Kolomoyski doğulduğu Dneprepetrovsk şəhərinə qubernator təyin olunub. Bu vəzifədə o Donetsk və Luqansk oblatlarını ələ keçirən rusların qarşısını almaq üçün böyük işlər həyata keçirib və bəzi iddalara görə İqor Kolomoyskinin fəaliyyəti nəticəsində rusların müzəffər yürüşünün qarşısı alınıb və “Novorossiya” ideyasının Donetsk və Luqansk vilayətlərinin sərhədəlrini aşaraq bütün şərqi Ukraynaya sıçramasının qarşısını alıb. Rus ordusunun qarşısını alan millətçi təmayüllü könüllü batalyonları təşkil edib, onları maliyyələşdirib. Buna görə Kolomoyski Rusiyada əsas düşmənlərdən biri elan olunub.Petr Popoşenko hakimiyyətə gəldikdən sonra iki siyasətçi oliqarx arasında qarşıdurma yaranıb. Qarşıdurma nəticəsində Kolomoyski qubernator vəzifəsindən istefa verərək ölkəni tərk edib. Onun könüllü batalyonları isə buraxılıb.Buna baxmayaraq Kolomoyski siyasətdən çəkilməyib. Onun tərəfdarlarının yaratdığı “Ukrop” Partiyası, (Ukrayna Vətənpərvərlər Birliyi), qısa zaman içində ciddi siyasi qüvvəyə çevrilməsi Poroşenko və tərəfdarlarını ciddi narahat edib. Partiyanın sədri, Kolomoyskinin ən yaxın adamı Gennadi Korban həbs edilib. Bundan başqa Kolomoyskinin Ukraynanın ultra radikal siyasətçiləri olan Yaroş və Lyaşkonu maliyyələşdirdiyi qeyd olunur. Hər iki siyasətçi isə hazırda Ukraynada sabitliyi pozan əsas faktorlar olaraq çıxış edirlər. Hazırda Poroşenko Kolomoyskini zəiflətmək üçün bütün imkanlarını səfərbər edib. Onun biznesi bu və ya digər şəkildə milliləşdirilir, tərəfdarları isə davamlı olaraq təzyiqlərə məruz qalırlar.Ukraynadakı mənbələrdən AzMedia.info-nun aldığı məlumatlara görə Poroşenko və Kolomoyski qarşıdurmasından hazırda Azərbaycanın Nəqliyyat naziri Ziya Məmmədov ciddi ziyan çəkməkdədir. Belə ki, Dneprepetrovsk və Ukraynanın digər şəhərlərində İqor Kolomoyskinin “Privat” qrupuna aid olan şəxslərlə biznes əlaqələrinə sahib olması Ziya Məmmədovu Poroşenkonun qara siyashısına salıb və hazırda Azərbaycan nazirinə aid olan biznes qurumları ciddi təhhlükə altına girib.AzMedia.info-nun Azərbaycandakı mənbələrdən əldə etdiyi məlumatlarda bildirilir ki, Ziya Məmmədovun Ukraynadakı geniş biznesini uzun illər boyu Qulam Ələkbərov idarə edib. Bu həmin Qulam Ələkbərovdur ki, bir neçə ay əvvəl Haqqin.az saytı onun haqqında geniş məqalə ilə çıxış etmişdi. Həmin məqalədə Ziya Məmmədovun biznes ortağı olan və nazirin ən çox güvəndiyi insanlar arasında ilk sıralarda yer alan Qulam Ələkbərovun Ukraynadakı erməni diasporasının aparıcı üzvləri ilə geniş biznes əlaqələrinə sahib olması vurğulanırdı.Məqalədə göstərilirdi ki, Qulam Ələkbərovun əsas biznes şərikləri Aleksandr Karapetyan və Eduard Baqdasaryandır. Qeyd edək ki, Dneprepetrovsk şəhər sovetinin deputatı olan Eduard Baqdasaryan Kolomoyskiyə və Korbana çox yaxın siyasətçi və biznesmen kimi tanınır. O həmçinin erməni diasporunun Ukraynadakı əsas simalarından biri kimii bilinməkdədir. Bu barədə AzMedia.info-ya Ukraynadakı mənbələr bildiriblər. Elə Kolomoyski və Korbanla Qulam Ələkbərovu Eduard Baqdasaryan tanış edib və Ukraynadakı mənbənin sözlərinə görə Qulam Ələkbərov İqor Kolomoyski ilə ilk tanışlığında özünü Ziya Məmmədovun Ukraynadakı təmsilçisi olaraq təqdim edib.Mənbə Kolomoyski ilə Ziya Məmmədovun bir neçə dəfə görüşdüyünü qeyd edir. Sonucu görüşün isə bir neçə ay əvvələ təsadüf etdiyi bildirilir. Ukraynadakı mənbə Ziya Məmmədovla Kolomoyski arasındakı biznes və siyasi bağlar barədə daha ətraflı məlumat verə biləcəyini də qeyd edib.Xatırladaq ki, Qulam Ələkbərov Azərbaycan vətəndaşı olması ilə yanaşı həmçinin gizli şəkildə Ukrayna vətəndaşlığını da qəbul edib. Qeyd edək ki, Azərbaycan qanunvericiliynə görə ikili vətəndaşlıq qadağan olunub. Qulam Ələkbərov isə 2012-ci ildə Ukrayna vətəndaşlığı almasını Azərbaycanın hakimiyyət dairələrindən gizlədib. Bundan başqa Qulam Ələkbərovun adı Ukraynada tanınmış azərbaycanlı iş adamı İqbal Məmmədovun qətlində hallanır. Haqqin.az saytının 2013-cü ildə yaydığı məlumata görə iş adamı İqbal Məmmədovun qətlinin sifarişi Bakıdan Qulam Ələkbərov tərəfindən verilib.Bu qətldən Ziya Məmmədovun nə qədər məlumatlı olması da, AzMedia.info saytının araşdırması daxilində olub. Saytımıza bu barədə danışan mənbə bildirib ki, Ziya Məmmədovun İqbal Məmmədovun nə qədər məlumatlı olması barədə ancaq ehtimallara söykənmək olar. Həqiyqəti ya Qulam Ələkbərov, ya da Ukrayna hüquq-mühafizə orqanları ortaya çıxara bilərlər. Lakin mənbə onu da qeyd edib ki, əgər nəzərə alsaq ki, İqbal Məmmədov Qulam Ələkbərova olan 3 milyon dollar borca görə öldürülüb, onda belə ehtimal etmək olar ki, İqbal Məmmədovun ölüm sifaişindən ola bilsin ki, Ziya Məmmədovun xəbəri olub. Çünki bir qayda olaraq Qulam Ələkbərov Ziya Məmmədovdan heç bir şey gizlətmir.O da vurğulanır ki, Qulam Ələkbərovun Ziya Məmmədovun adamı olması ilə yanaşı MTN-dəki cinayətkar ünsürlərlə də yaxın münasibəti olub. Xüsusilə, Qulam Ələkbərovun həbs olunan MTN generalı Akif Çovdarovla və “Akula” ləqəbli iş adamı, “MTN işi”ndən sonra Azərbaycandan qaçmağa müvəffəq olan Akif Mustafayevlə dostluq əlaqələrininolduğu bildirilir. Onları birləşdirən dəyərlərin təkcə dostluq olmadığı, 2005-ci ildə birlikdə işlədikləri cinayət də olduğuna dair ehtimallar da var. Belə ki, 2005-ci ildə vəhşicəsinə öldürülən “Monitor” jurnalının baş redaktoru Elmar Hüseynovun qətlində Arif Çovdarovla yanaşı Qulam Ələkbərovun da mühim rol oynadığı barəədə söyləntilər var. Məhz Elmar Hüseynovun qətlindən sonra Qulam Ələkbərovun Ukraynadan vətəndaşlıq aldığı və uzun müddət Bakıya qayıtmadığı qeyd olunur.Xatırladaq ki, hələ 2005-ci ildə “Milli Yol” qəzeti həmin qətldə Ziya Məmmədov faktorunun ola biləcəyini irəli sürmüşdü. O zaman Q.Ələkbərovun adı çəkilməsə də, ona yaxın şəxslərin bu cinayəti işləyə biləcəyi bildirilirdi. Ola bilsin ki, Q.Ələkbərov bu cinayəti Z.Məmmədovdan xəbərsiz, Akif Çovdarovla birlikdə işləyib. Hər halda A.Çovdarov danışmağa başlarsa, bu barədə daha müfəssəl məlumat ala biləcəyik.Qeyd edək ki, Azərbaycandakı və Ukraynadakı mənbələr Qulam Ələkbərovun heç də yaxşı günlər yaşamadığını qeyd edirlər. O Ukraynada hakimiyyət dairələrinin qara siyahısında olmaqla yanaşı Azərbaycanda da son zamanlar ciddi problemlərlə üzləşməkdədir. Belə ki, Ziya Məmmədovun Azərbaycanda qüfuz dairəsinin sürətlə azalması və geniş səlahiyyətlərini bir-bir itirməsi Qulam Ələkbərov üçündə ciddi problemə çevrilməkdədir. Onun biznesi artıq Azərbaycanda da ciddi ziyanlar görməkdədir və bu isə bir başa Ziya Məmmədovun nüfuz dairəsini və səlahiyyətlərini itirməsi ilə əlaqədardır. Eyni vəziyyətlə Ziya Məmmədov da üzləşməkdədir. Çünki Azərbaycandakı siyasi və iqtisadi gücünü qeyb edən nəqliyyat nazirinin Ukraynadakı itkiləri də böyükdür. Poroşenkonun isə Kolomoyski ilə razılığa gəlməyəcəyi, daha doğrusu isə onu tədricən Ukraynadan tamamilə sıxışdırıb çıxaracağına artıq Ukraynada çox adam şübhə edir.Yazıda adı keçən şəxslərin mövqelərini dərc etməyə hazırıq.