BolgeXeber.Com » Xəbərlər » Bakıda müəmmalı gurultu - Kimsə nə olduğunu bilmir

Bakıda müəmmalı gurultu - Kimsə nə olduğunu bilmir

28-03-2016, 15:20

Oxunub: 3 758

Bakının Səbail və Yasamal rayonları ərazisində dünən eşidilən müəmmalı gurultunun zəlzələ ilə bağlılığı yoxdur

Bu sözləri modern.az-a açıqlamasında AMEA nəzdindəki Respublika Seysmoloji Xidmət Mərkəzinin direktoru Qurban Yetirmişli deyib. Onun sözlərinə görə, stansiyada qeyd olunan yazılar zəlzələ yazısı olmayıb.
"Həmin gün biz analiz etdik və birmənalı şəkildə məlum olub ki, zəlzələ baş verməyib. Sadəcə, yerin səthində müşahidə olunan hər hansı hadisə və partlayış olub ki, bunu da aidiyyəti qurumlar araşdırmalıdır. Yəni həmin gurtultunun yerdaxili proseslərə aidiyyəti yoxdur".
Fövqəladə Hallar Nazirliyinin mətbuat xidmətinin rəhbəri Oqtay Bayramov modern.az saytına olayla bağlı hər hansı informasiya olmadığını bildirib:
"Partlayış, yaxud hər hansı bənzər hadisə barədə "qaynar xətt"ə heç bir çağırış daxil olmayıb. Müraciət daxil olmadığından araşdırma aparılmır. Çünki araşdırma hər hansı çağırış üzrə başlanılır".
Qeyd edək ki, martın 27-də, saat 12:00 radələrində Bakının Səbail və Yasamal rayonu ərazisində müəmmalı gurultu eşidilib. Həmin səs o qədər güclü olub ki, hətta binaları da titrədib. Həmin səsələ paralel Badamdar qəsəbəsi ərazisində hiss edilən səs və binaların titrəməsi insanlar arasında təlaşa səbəb olub.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]