Şəhid baş leytenant Bərdədə torpağa tapşırıldı- FOTO
6-04-2016, 10:22
Oxunub: 3 965
Yaylım atəşi açıldıqdan sonra şəhid əsgər torpağa tapşırılmışdır
Aprelin 5-də cəbhənin Füzuli rayonu istiqamətində erməni silahlı qüvvələrinin torpaqlarımıza qəfil hücumunun qarşısını alarkən gedən ağır döyüşlərdə qəhramancasına şəhid olan Azərbaycan ordusunun baş leytenantı Həsənov Ziya Niyazi oğlu bu gün böyüyüb boya-başa çatdığı Bərdə şəhərində torpağa tapşırıldı.
Dəfn mərasimində Bərdə Rayon İcra Hakimiyyətinin Başçısı Vidadi İsayev, hüquq mühafizə orqanlarının rəhbərləri, Səfərbərlik və Hərbi Xidmətə Çağırış üzrə Dövlət Xidmətinin Bərdə rayon şöbəsinin əməkdaşları, şəhidin xidmət etdiyi hərbi hissənin zabit və əsgərləri, rayon ictimaiyyətinin nümayəndələri, Qarabağ müharibəsi veteranları və şəhidin doğmaları, minlərlə insan iştirak etdilər.
Dəfn mərasimində çıxış edən Azərbaycan Respublikası Müdafiə Nazirliyi Mənəvi-Psixoloji hazırlıq və ictimaiyyətlə əlaqələr idarəsinin rəis müavini, polkovnik Abdulla Qurbani, Bərdə rayon İcra Hakimiyyətinin başçısı Vidadi İsayev vida mərasimində çıxış edərək şəhidin ailəsinə dərin hüznlə başsağlığı veriblər və torpaqlarımızın müdafiəsi uğrunda şəhid olmuş bütün əsgərlərimizin qisası güclü və qüdrətli ordumuz tərəfindən düşməndən alındığını bildiriblər.
Mərasimdə müharibə veteranı Gəray Əsədov, şəhid Ziya Həsənovun təhsil aldığı şəhər 4 saylı tam orta məktəbin müəllimi Tofiqə Məmmədova, şəhidin atası Niyazi Həsənov çıxış edərək torpağımızın belə oğulların qanı ilə Vətən olduğunu bildirmiş, şəhid olmuş oğullara rəhmət diləmiş, onların əziz xatirəsinin daim qəlblərdə yaşayacağını bildirmişlər. Şəhid zabit Ziya Həsənovun nəşi Bərdə Şəhidlər qəbristanlığında torpağa tapşırılmışdır. Onun tabutu üzərindəki bayraq əbədi saxlanılmaq üçün atası Niyazi Həsənova təqdim edilmişdir. Yaylım atəşi açıldıqdan sonra şəhid əsgər torpağa tapşırılmışdır. Dəfn mərasiminin sonunda Dövlət Himni səsləndirilmişdir.
Bolgexeber.com
Çox Oxunanlar
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 20-04-2024, 15:57 : Cavanşir Məmmədovla vida mərasimi keçirilir
Şou-Biznes
- 11-05-2024, 17:48 : Bakıda daha bir YENİLİK
Xəbərlər / Ölkə
- 4-05-2024, 17:28 : XİN rəsmi məlumat yaydı
Siyasət / Xəbərlər
- 18-04-2024, 17:24 : Rəqsanə İsmayılovanın əmlaklarına həbs qoyulub? - AÇIQLAMA
Şou-Biznes
- 1-05-2024, 17:35 : Ermənistanda yeniyetmə minaya düşdü
Dünya / Xəbərlər
- 27-04-2024, 17:55 : Şeytan çarxı fəaliyyətini dayandırıb?
Xəbərlər / Ölkə
- 30-04-2024, 14:11 : “Qarabağ” - “Neftçi” oyununun stadionu dəyişdirilib
İdman
- 18-04-2024, 15:16 : "Ulu Öndər Heydər Əliyev və Azərbaycan təbiəti" adlı tədbir keçirilib
Bölgə / Xəbərlər