BolgeXeber.Com » Xəbərlər » 7 erməni əsgərini məhv edən yaralı hərbçimiz:Yenidən döyüşməyə hazıram

7 erməni əsgərini məhv edən yaralı hərbçimiz:Yenidən döyüşməyə hazıram

15-04-2016, 12:14

Oxunub: 3 366

"Ailəlidir, 3 və 5-ci siniflərdə oxuyan 2 oğlu var. Sumqayıtda evi olsa da, işi ilə əlaqədar Nafatalanda kirayədə yaşayır"

Aprelin 2-nə keçən gecə düşmən əlində olan strateji əhəmiyyətli Talış yüksəkliyinin geri alınmasında qəhrəmancasına döyüşən və ağır yaralanan Asif Novruz oğlu Rəsulov hazırda Müdafiə Nazirliyinin Mərkəzi Hərbi Klinik Hospitalında müalicə olunur.

Bolgexeber.com bildirir ki, bu haqda modern.az-a onun yaxın qohumu Bəxtiyar Nuruşov məlumat verib.

O qeyd edib ki, Talış yüksəkliyi uğrunda gedən döyüşlərdə qəhrəmancasına döyüşən Asif 7 erməni əsgərini məhv edib:

"Ermənilərə qarşı döyüşlərdə 5 güllə yarası alıb. Düşmən silahından açılan güllələr onun ayağını, çiynini, qolunu və qarnını deşib. Həmçinin çox sayda qəlpə yaraları var. Hətta həkimlər bədənində olan qəlpələrdən birini çıxarmamağı qərara alıblar. Döyüşlərdə 4 nəfər olublar və 3 nəfər həlak olub, yeganə sağ qalan Asifdir. Həkimlərin səyi nəticəsində həyati təhlükəsi sovuşub, anlaqlı vəziyyətdədir. Hazırda vəziyyətini orta ağır qiymətləndirirlər".

B.Nuruşovun sözlərinə görə, 1977-ci il təvəllüdlü A.Rəsulov Ağstafa rayonunda doğulub:

"Ailəlidir, 3 və 5-ci siniflərdə oxuyan 2 oğlu var. Sumqayıtda evi olsa da, işi ilə əlaqədar Nafatalanda kirayədə yaşayır".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]