BolgeXeber.Com » Xəbərlər » Bu ali təhsil ocağında böhran heç hiss olunmur... - Bunun adına israfçılıq deyərlər...

Bu ali təhsil ocağında böhran heç hiss olunmur... - Bunun adına israfçılıq deyərlər...

18-04-2016, 10:24

Oxunub: 3 348 Bu ali təhsil ocağında böhran heç hiss olunmur... - Bunun adına israfçılıq deyərlər...

Milyonlarla manat vəsait ayrılaraq “yüksək şəkildə təmir” edilən ali təhsil müəsisəsinin belə bir vəziyyətə düşməsi diqqət edilməli məqamdır

Ölkəmizdə son illərdə sosial infrastruktur layihələrinə kifayət qədər böyük vəsaitlər ayrılır. Bu sahədə ciddi inkişafa nail olunsa da, bir çox hallarda ayrılan vəsaitlərin düzgün xərclənməməsi, israfçılıq hallarının baş verməsini müşahidə edirik. Mənimsəmə və sui-istifadə hallarının artması binaların inşasında,təmirində,üzlənməsində də baş verir.Keyfiyyətsiz inşaat materiallardan istifadə bir müddət sonra görülmüş işin bərbad vəziyyətdə olmasını,ora xərclənən dövlət vəsaitinin səmərə verməməsini, “havaya”sovruldugunu təsdiqləyir. Bu risklərin yaratdığı fəsadlardan, əlavə maliyyə vəsaiti xərcləmədən sığortalanmaq isə mümkün olmur. Hətta ötən il Binəqədi rayonunda binanın yanması kimi ciddi qəzalar belə baş verir. Nəticədə isə xərclənən milyonlarla vəsaitin itməsi ilə yanaşı insan həyatına təhlükə də qaçılmaz olur. Son bir neçə gündə elə bu cəhətdən bir məsələ diqqət çəkir. Təmiri yenicə tamamlanmış Azərbaycan Memarlıq və İnşaat Universitetinin binasına 3 milyon manat dövlət vəsaitinin ayrılması,universitet binasının üzlənməsi heç kimə sirr deyil.Hazırda binanın üzərinə vurulan üzlük tökülür,ya da vurulmuş üzlüyün çökməsi səbəbilə yenidən təmir olunması baş verir.

Bu ali təhsil ocağında böhran heç hiss olunmur...

Faktinfo.az saytı olaraq, məsələnin səbəbini aydınlaşdırmaq üçün Azərbaycan Memarlıq və İnşaat Universitetinin rektoru Gülçöhrə Məmmədova ilə əlaqə saxladıq. Binada ciddi problem olmadığını deyən rektor xanım kiçik bir çöküntü baş verdiyini və bunun tezliklə aradan qaldırılmasına başlandığını dedi: “Burada narahatçılıq yaradacaq məqam yoxdur. Hər binada bu cür problem mövcud ola bilər. Universitetin binasında təmir işləri tezliklə yekunlaşacaq və bina əvvəlki vəziyyətinə qayıdacaq”.

Göründüyü kimi yaranmış vəziyyət hər bir halda maliyyə itkisidir ki,indiki vəziyyətdə ölkə vətəndaşlarına xoş təəssürat bağışlamır.Binanı hansı şirkət və ya dövlət qurumunun təmir etdiyini dəqiq bilməsək də təmirdə ARDNŞ-in adının keçməsi təxmin edilir.Milyonlarla manat vəsait ayrılaraq “yüksək şəkildə təmir” edilən ali təhsil müəsisəsinin belə bir vəziyyətə düşməsi diqqət edilməli məqamdır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]