Bizimlə əlaqə | Reklam
BolgeXeber.Com » Xəbərlər » Zərdab İcra Hakimiyyətində qalmaqal: İCRA BAŞÇISI MÜAVİNİ TƏHQİR ETDİ, İNFARKT KEÇİRDİ

Zərdab İcra Hakimiyyətində qalmaqal: İCRA BAŞÇISI MÜAVİNİ TƏHQİR ETDİ, İNFARKT KEÇİRDİ

19-04-2016, 12:05
Oxunub: 3 559 Zərdab İcra Hakimiyyətində qalmaqal: İCRA BAŞÇISI MÜAVİNİ TƏHQİR ETDİ, İNFARKT KEÇİRDİKənd Təsərrüfatı Nazirliyinin rayona ayırdığı pambıq və barama planını azaltmaq üçün icra nümayəndələrindən 700 manatdan pul yığılıb

Zərdab rayonunda özbaşınalıqların həddi-hüdudu artıq bilinmir. Rayonda vəziyyət o qədər acınacaqlıdır ki, insanlar nə edəcəklərini bilmirlər. Davamlı edilən şikayətlərə baxılmaması isə onların ümidlərini daha da kəsir.
Bu əsnada rayonun icra başçısı Lütfəli Babayev daha bir saxtakarlığa imza atıb. Azad adlı rayon sakininin JAM.AZ-a verdiyi məlumata görə, Zərdabın rəhbəri dövlət başçısının verdiyi bütün tapşırıqlardan qazanclı çıxmaq üçün hər dəfə maraqlı «ideya»lar fikirləşir. Belə ki, kənd təsərrüfatının inkişafı üçün Zərdabda 2000 hektar pambıq sahəsinin əkilməsi, 5 ton barama planı qoyulub.

Lütfəli Babayev dərhal toplantı keçirərək, birinci müavini Rəhman Feyzullayevə göstəriş verib ki, dərhal hər bir icra nümayəndəsindən 700 manatdan pul yığsın. Azad aldı Zərdab sakini qeyd edir ki, icra başçısı bunu belə əsaslandırıb ki, həmin pulu Kənd Təsərrüfatı Nazirliyinə verərək, plan üzrə 2000 hektar pambıq sahəsinin həcmini 1000 hektara, barama planını isə 5 tondan 2 tona endirəcək. «Lakin birinci müavin pul yığmaqdan imtina edib. Nəticədə, icra başçısıyla onun arasında münaqişəli vəziyyət yaranıb. Durumdan dolayı Rəhman Feyzullayev infakt keçirib, hazırda Bakıda müalicə alır».

Məlmat verən mənbə qeyd edib ki, Lütfəli Babayev birinci variantı alınmadığından, pul yığma işlərini sosial-iqtisadi inkişafın təhlili və proqnozlaşdırılması şöbəsinin müdiri, habelə müavini Pərvin Mahmudovaya həvalə edib. «Pərvin Mahmudova da tapşırığı yerinə yetirib və pulları yığıb. Lütfəli Babayev isə ötən günlərdə iclasda hamının qarşısında bəyan edib ki, pambıq sahəsi məhsul verərsə, verib. Verməsə də, cəhənnəmə ki! Zərdabda iqtisadiyyat bax belə idarə olunur».

Qarşı tərəfi də dinləməyə hazırıq.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]