BolgeXeber.Com » Xəbərlər » Hüquq müdafiəçisi DSMF-yə qalib gəldi

Hüquq müdafiəçisi DSMF-yə qalib gəldi

20-04-2016, 13:35
Oxunub: 2 910 Hüquq müdafiəçisi DSMF-yə qalib gəldiBakı Apellyasiya Məhkəməsində Dövlət Sosial Müdafiə Fondunun (DSMF) Yasamal rayon şöbəsinin Dilarə Əliyeva adına Qadın Hüquqlarını Müdafiə Cəmiyyətinin sədri, hüquq müdafiəçisi Novella Cəfəroğluna qarşı verilmiş apellyasiya şikayəti üzrə məhkəmə başa çatıb

“Report”un məlumatına görə, hakim Valeh Ağayevin sədrliyi ilə keçirilən prosesdə qərar elan olunub.
Qərara əsasən, birinci instansiya məhkəməsinin çıxardığı qərar dəyişdirilmədən saxlanılıb. DSMF-nin Yasamal rayon şöbəsinin apellyasiya şikayəti təmin edilməyib.
Qeyd edək ki, Dilarə Əliyeva adına Qadın Hüquqlarını Müdafiə Cəmiyyətinin sədri, hüquq müdafiəçisi N.Cəfəroğlu DSMF-nin Yasamal rayon şöbəsini məhkəməyə verib. 1 saylı Bakı İnzibati-İqtisadi Məhkəməsinə müraciət edən N.Cəfəroğlu əmək pensiyasının məbləğinin yenidən hesablanması barədə tələb irəli sürüb. Məhkəmə hüquq müdafiəçisinin iddiasını təmin edib. Qərardan narazı qalan DSMF-nin Yasamal rayon şöbəsi apellyasiya şikayəti ilə Bakı Apellyasiya Məhkəməsinə müraciət edib.
Bolgexeber.com