BolgeXeber.Com » Xəbərlər » Bakıda məktəbdə dəhşət - 8 yaşlı oğlanı zorladılar

Bakıda məktəbdə dəhşət - 8 yaşlı oğlanı zorladılar

11-05-2016, 12:30

Oxunub: 3 573

Bakıda orta məktəbdə zorlanma hadisəsinin baş verməsi barədə polisə şikayət daxil olub

"Qafqazinfo”nun verdiyi xəbərə görə, hadisə Nərimanov rayonunda baş verib. Səkkiz yaşlı oğlanın valideyni polisə müraciət edərək oğlunun məktəbdə 16 yaşlı iki şagird tərəfindən zorlandığını bildirib.

Belə ki, Bakı şəhər sakini 1981-ci il təvəllüdlü Aynurə Kərimova (şərti) 18-ci Polis Bölməsinə müraciət edərək bildirib ki, aprelin 14-də Hidayətzadə küçəsində yerləşən 57 saylı orta məktəbin sanitar qovşağında oğlu 2008-ci il təvəllüdlü Təbriz (şərti) yuxarı sinif şagirdləri tərəfindən zorlanıb.

O bildirib ki, həmin məktəbin şagirdləri olan 2000-ci il təvəllüdlü N.P və həmyaşıdı S.V onun oğluna qarşı əxlaqsız hərəkətlər edərək onunla cinsi əlaqədə olublar.

Məsələ ilə bağlı Bakı Şəhər Təhsil İdarəsindən "Qafqazinfo”ya bildirilib ki, onlar hadisə barədə məlumatsızdırlar: "Araşdırıldıqdan sonra bununla bağlı məlumat veriləcək".

Hadisə ilə bağlı həmin məktəbin rəhbərliyi ilə də əlaqə saxladıq. Özünü təqdim etmək istəməyən qadın direktor müavini qeyd olunanların yalan və böhtan olduğunu deyərək sağollaşıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]