BolgeXeber.Com » Xəbərlər » Vəzifəli şəxsin evindəki oğurluqla bağlı maraqlı detal

Vəzifəli şəxsin evindəki oğurluqla bağlı maraqlı detal

26-05-2016, 19:32

Oxunub: 2 804 Vəzifəli şəxsin evindəki oğurluqla bağlı maraqlı detal

Bakı şəhərinin Zirə qəsəbəsində Mədətov Mübariz İsrafil oğluna məxsus bağ evindən seyfin oğurlanması hadisəsi ilə bağlı maraqlı detal üzə çıxıb

Lent.az-ın əldə etdiyi məlumata görə, hadisəni törədən Ramil Bağırov və Ruslan Nabatov mənzilə girərkən elə də çətinlik çəkməyib.

Belə ki, bağ evində kimsənin olmadığını müəyyənləşdirən şəxslər əvvəlcə həyətə daxil olublar və qapı-pəncərələri yoxlayıblar. Bu zaman onlar evin qapısının əslində kilidlənmədiyini görüblər və asanlıqla açıq qalmış qapıdan içəri keçiblər. Onlar mənzildə aşkarladıqları seyfi açmağa çalışsalar da, buna nail ola bilməyiblər və seyfi özləri ilə aparmaq qərarına gəliblər.

Qeyd edək ki, hadisəni törədən şəxslər artıq tutulub. Faktla bağlı cinayət işi açılıb, araşdırma aparılır.

Onu da qeyd edək ki, içi pulla dolu seyfi oğurlanan Mübariz İsrafil oğlu Mədətov yüksək vəzifələrdə çalışıb. O, "Azərbaycan Xəzər Dəniz Gəmiçiliyi" Qapalı Səhmdar Cəmiyyəti sədrinin müavini vəzifəsində çalışarkən ölkə başçısının göstərişi ilə işdən çıxarılıb. Buna səbəb isə M.Mədətovun oğlu Xalid Mədətovun idarə etdiyi “Mercedes G Class” markalı avtomobillə Binə qəsəbəsi yaxınlığında xalq artisti Ağasəlim Abdullayevin ailəsinin olduğu maşını vurması və ailənin iki üzvünün ölməsi olmuşdu.

*****

Bu günlərdə Bakıda mənzildən içərisi pulla dolu seyf oğurlanıb. Xəzər rayon Zirə qəsəbəsində yerləşən və Bakı sakini Mübariz Mədətova məxsus olan bağ evindən içərisində 10 000 ABŞ dolları və 40 000 avro olan seyf oğurlanıb. Həyata keçirilən tədbirlər nəticəsində hadisəni törətməkdə şübhəli bilinən Bakı şəhər sakini Ruslan Nabatov və Sabirabad rayon sakini Ramil Bağırov tutulublar.

Faktla bağlı araşdırma aparılır.

Qeyd edək ki, içi pulla dolu seyfi oğurlanan Mübariz İsrafil oğlu Mədətov yüksək vəzifələrdə çalışıb. O, "Azərbaycan Xəzər Dəniz Gəmiçiliyi" Qapalı Səhmdar Cəmiyyəti sədrinin müavini vəzifəsində çalışarkən ölkə başçısının göstərişi ilə işdən çıxarılıb. Buna səbəb isə M.Mədətovun oğlu Xalid Mədətovun idarə etdiyi “Mercedes G Class” markalı avtomobillə Binə qəsəbəsi yaxınlığında xalq artisti Ağasəlim Abdullayevin ailəsinin olduğu maşını vurması və ailənin iki üzvünün ölməsi olmuşdu.
Bolgexeber.com

Çox Oxunanlar