BolgeXeber.Com » Xəbərlər » Lerikdə qulaqlar namus üstündə kəsilib?

Lerikdə qulaqlar namus üstündə kəsilib?

30-05-2016, 12:37

Oxunub: 3 524 Lerikdə qulaqlar namus üstündə kəsilib?

Lerik rayonunda həmkəndlisinin qulaqlarını kəsən iki nəfər saxlanılıb

Rayon Polis Şöbəsindən "Report"a verilən məlumata görə, bunlar hadisəni törətməkdə şübhəli bilinən Əlirza Əliyev və Natiq İsiyevdir.
Keçirilən əməliyyat-axtarış tədbirləri nəticəsində onlar bu gün Lənkəran rayonu ərazisində saxlanılaraq istintaqa cəlb olunublar.
İlkin istintaq tədbirləri zamanı saxlanılan şəxslər hadisəni törətdiklərini etiraf ediblər. Lakin onlar bildirib ki, hadisə heç də qulaqları kəsilən Lerik rayonu Veri kənd sakini Rəfail İsiyevin atası Hüseyn İsiyevin dediyi kimi otlaq sahəsinə görə deyil, namus üstündə olub. Belə ki, saxlanılan şəxslərdən biri M. adlı qadının qardaşı, digəri isə həyat yoldaşıdır.
Faktla bağlı araşdırmalar davam etdirilir.
Qeyd edək ki, hadisə may ayının 28-i gecə saat 4 radələrində qeydə alınıb. H.İsayevin yaşadığı evə bir neçə nəfər qonşu hücum edib. Kütləvi dava zamanı iki nəfər - ata və oğul xəsarət alıb. Bunlar 72 yaşlı Hüseyn və onun oğlu 37 yaşlı Rafael İsiyevlərdir. Yaralılar Lənkəran Rayon Mərkəzi Xəstəxanasına yerləşdiriliblər.
Lənkəran RMX-dan "Report"a bildirilib ki, Lerik rayonundan iki nəfər ağır vəziyyətdə xəstəxanaya daxil olub: "Xəstələrdən biri baş, ayaq və bədəninin müxtəlif nahiyələrindən kəsici və küt alətlərlə xəsarətlər alıb. Digər yaralının isə hər iki qulağı kəsilib".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]