BolgeXeber.Com » Xəbərlər » Buxarestdə səhiyyə sistemində korrupsiya mövzusunda konfrans keçirilib

Buxarestdə səhiyyə sistemində korrupsiya mövzusunda konfrans keçirilib

31-05-2016, 18:06

Oxunub: 2 094 Buxarestdə səhiyyə sistemində korrupsiya mövzusunda konfrans keçirilib

İsfəndiyar Hacıyev çıxış edərək iştirakçılarını maraqlandıran sualları cavablandırmışdır

Mayın 23-24-də Rumıniyanın paytaxtı Buxarest şəhərində Korrupsiyaya qarşı Avropa Tərəfdaşları Təşkilatı (EPAC) və Korrupsiyaya qarşı Avropa Ələqələndiricilər Şəbəkəsinin (EACN) İşçi Qrupunun “Səhiyyə sistemində korrupsiya – preventiv tədbirlər və istintaq, ən yaxşı təcrübələr və qarşıda duran vəzifələr” mövzusunda konfrans keçirilmişdir.

Baş Prokurorluğun mətbuat xidmətindən Bolgexeber.com-a verilən məlumata görə, tədbirdə təşkilata üzv ölkələrin səhiyyə sistemində korrupsiyanın qarşısının alınması üçün görülmüş qabaqlayıcı tədbirlər, bu sahədə dövlət satınalmalarının həyata keçirilməsi zamanı baş verən korrupsiya hüquqpozmalarının araşdırılması üsulları və mübarizə mexanizmləri ilə bağlı geniş fikir mübadiləsi aparılmışdır.

Konfransda ölkəmizi təmsil edən Baş prokuror yanında Korrupsiyaya qarşı Mübarizə Baş İdarəsinin Təşkilati və informasiya təminatı idarəsinin prokuroru İsfəndiyar Hacıyev çıxış edərək ölkəmizdə korrupsiya qarşı mübarizənin möhkəm siyasi iradəyə əsaslandığını vurğulamaqla səhiyyə sistemində korrupsiyanın qarşısının alınması məqsədi ilə həyata keçirilmiş hüquqi və institusional tədbirlər barədə ətraflı məlumat vermiş və tədbir iştirakçılarını maraqlandıran sualları cavablandırmışdır.

Çox Oxunanlar