Bizimlə əlaqə | Reklam
BolgeXeber.Com » Xəbərlər » Neftçalada bələdiyyə sədri ilə “kommunxoz” müdiri dalaşıb, polis müdaxilə edib

Neftçalada bələdiyyə sədri ilə “kommunxoz” müdiri dalaşıb, polis müdaxilə edib

11-06-2016, 11:24
Oxunub: 3 152 Neftçalada bələdiyyə sədri ilə “kommunxoz” müdiri dalaşıb, polis müdaxilə edibNeftçalada bələdiyyə sədri ilə “kommunxoz” müdiri arasındakı davanı polis araşdırır

Neftçala Bələdiyyəsinin sədri Aydın Aslanovla Neftçala şəhər Kommunal Təsərrüffat İdarəsinin rəisi Firudin Nağıyev arasındakı mübahisəyə polis qarışıb.

Virtualaz.org saytının xüsusi müxbirinin əldə etdiyi məlumata görə, bələdiyyə tərəfindən şəhərdəki inzibati binanın qarşısındakı küçəyə məhdudlaşdırıcı zəncir sədd çəkilibmiş ki, xidməti və digər avtomaşınlar binanın giriş qapısında aralıda dayanaraq piyadalara maneə yaratmasınlar. Bu isə Neftçala şəhəri üzrə icra nümayəndəsi Gülqədəm Mirzəzadənin xoşuna gəlmədiyindən Kommunal Təsərrüffat İdarəsinin rəisinə göstəriş verib ki, həmin zəncirləri küçədən yığışdırsın. Elə dava da bu səbəbdən baş verib.

Bələdiyyənin də yerləşdiyi inzibati binanın qarşısına quraşdırdığı zəncirli səddin traktorla dağıdıldığından əsəbiləşən bələdiyyə sədri “kommunxoz” müdirinə hücum edib. İnzibati binanın qarşısında səs-küylə müşayət olunan hadisə yerinə polis əməkdaşları çağırılıb. Bələdiyyə sədrinin “kommunxoz” müdiri arasındakı dava rəsmiləşdirilib.

Onu da qeyd edək ki, bələdiyyə sədri Aydın Aslanov özü də keçmiş polis işçısıdir. 90-cı illərdə Neftçala rayon Polis Şöbəsində polis nəfəri olub.

Hazırda baş verənlərlə bağlı Neftçala rayon Polis Şöbəsində araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]