BolgeXeber.Com » Xəbərlər » Saleh Məmmədov prezidentin çağırışına məhəl qoymadı – 300 minlik ‘BMW’ aldı

Saleh Məmmədov prezidentin çağırışına məhəl qoymadı – 300 minlik ‘BMW’ aldı

15-06-2016, 11:13

Oxunub: 2 968

Saleh Məmmədov prezidentin çağırışına məhəl qoymadı – Özünə 300 minlik ‘BMW’ aldı

Ölkə başçısı Ilham Əliyevin məmurları Naxçıvan Avtomobil Zavodunun istehsalı "NAZLifan” avtomobilləri almağa çağırdığı yəqin ki, hər kəsin yadındadır. Ölkə başçısının bu çağırışını qənaət və yerli istehsala üstünlük verməklə əlaqələndirmişdi. Bundan sonra bir çox məmurlar "NAZLifan” almağa başladı.

Iş o yerə çatdı ki, zavod sifarişləri çatdıra bilmədi. Avtomobillərin qiyməti isə bahalaşdı. Lakin bəzi məmurlar yenə də bahalı maşınlara üstünlük verirlər. Redaksiyamıza daxil olan məlumatda deyilir ki, "Azəravtoyol” ASC-nin sədri Saleh Məmmədov "NAZLifan” almaqdansa, qiyməti 200-300 min manat civarında olan "BMW”nin 7-ci seriyadan olan sonuncu modelini alıb. Saleh Məmmədov bu maşından xidməti avtomobil kimi istifadə edir. Məlumata görə, ASC sədri əvvəlki xidməti maşınını müavininə verib. Həmin maşın da ucuz deyil. O da "BMW” markalıdır və qiyməti 100 min manata yaxındır. Görünür, Saleh Məmmədov "NAZLifan”da gəzməyi özünə rəva bilmir. Ona görə də ölkə başçısının çağırışını diqqətə almayıb.(Azadliq.info)

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]