BolgeXeber.Com » Xəbərlər » Xəstənin ayağını səhv kəsən həkimlə bağlı cinayət işi başladı-FOTO

Xəstənin ayağını səhv kəsən həkimlə bağlı cinayət işi başladı-FOTO

25-06-2016, 14:40

Oxunub: 3 514

Baş Prokurorluq Bakıda xəstənin ayağını səhv kəsən həkimlə bağlı məlumat yayıb

Baş Prokurorluğun mətbuat xidmətindən verilən məlumata görə, iyunun 24-də uzun müddət diabet xəstəliyindən əziyyət çəkən 1929-cu il təvəllüdlü Bakı şəhər sakini Məmmədova Tərlan Həsən qızının Səhiyyə Nazirliyinin “Xüsusiləşdirilmiş Angioloji Mərkəz” ində həkim-cərrah Kərimov Valeh Ağalələ oğlu tərəfindən cərrahiyə əməliyyatı olunarkən sol ayağı amputasiyası edilməli olduğu halda, sağ ayağı amputasiya edilməklə sağlamlığına ağır zərər vurulmasına dair Yasamal rayon prokurorluğuna daxil olmuş məlumat araşdırılıb.
Araşdırma zamanı toplanmış materialda T. Məmmədovanın sağlamlığına ehtiyatsızlıqdan ağır zərər vurma cinayətinin əlamətləri mövcud olduğundan fakta görə rayon prokurorluğunda Cinayət Məcəlləsinin 131.2-ci (ehtiyyatsızlıqdan sağlamlığa ağır zərər vurma) maddəsi ilə cinayət işi başlanıb və müvafiq ekspertizalar təyin edilib.
Eyni zamanda Səhiyyə Nazirliyi tərəfindən hadisə ilə əlaqədar xüsusi biliyə malik mütəxəssislər cəlb edilməklə yoxlamalar aparılır.
Hazırda iş üzrə istintaq tədbirləri davam etdirilir.Qeyd edək ki, qanunverciliyə əsasən, bu maddə ilə təqsirləndirilən şəxsin günahı sübuta yetirilərsə o, beş yüz manatadək miqdarda cərimə və ya iki ilədək müddətə islah işləri və altı ayadək müddətə azadlıqdan məhrum etmə ilə cəzalandırılır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]