BolgeXeber.Com » Xəbərlər » «Baku Bus» da qaydaları pozmağa başladı

«Baku Bus» da qaydaları pozmağa başladı

4-07-2016, 14:04

Oxunub: 3 144

Reklamla bağlı qaydaları pozan şirkət avtobusların arxasına reklamlar yerləşdirir

Son vaxtlar paytaxtda hərəkət edən "Baku Bus"un qırmızı avtobuslarının arxa hissəsində reklam lövhələrinə rast gəlirik. Nümunə üçün onlardan bir neçəsinin fotosunu da təqdim edirik. Bəs, qanunlar bu barədə nə deyir? Doğrudanmı, başqalarına nümunə olan «Baku Bus»un səlahiyyətli şəxslərinin qanunlardan xəbəri yoxdur? Elədirsə biz qanunların tələbini diqqətə çatdırırıq. "Reklam haqqında" qanunun 25.6-cı maddəsinə əsasən, nəqliyyat vasitəsinin üzərində reklam onun yalnız yan hissələrində yerləşdirilməli, yol hərəkətinin iştirakçıları üçün təhlükə yaratmamalıdır.
Azərbaycan Respublikası Nazirlər Kabinetinin 2016-cı il 18 fevral tarixli 67 nömrəli qərarının 7-ci bəndində isə deyilir ki, nəqliyyat vasitələrinin damında, ön və arxa hissələrində, dövlət qeydiyyat nişanlarının və fərqlənmə nişanlarının (beynəlxalq yol hərəkətlərində iştirak edən nəqliyyat vasitələrinə münasibətdə) görünməsini məhdudlaşdıran yerlərdə, işıqlanma cihazlarında, ban şüşələrində, habelə istehsalçı zavod tərəfindən nəzərdə tutulmayan xarici işıq cihazlarının reklam məqsədi ilə quraşdırılması qadağandır.
Bizə məlum deyil ki, belə reklama icazə alınıb, ya yox. Əgər icazə alınıbsa, həmin icazəni verənlər də qanundan xəbərsizdirlər.
/avtosfer.az/

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]