Bizimlə əlaqə | Reklam
BolgeXeber.Com » Xəbərlər » Tolik icra başçısına cavab verdi:"Sizi o vəzifəyə kef eləməyə yox, xalqa xidmət etməyə qoyublar"

Tolik icra başçısına cavab verdi:"Sizi o vəzifəyə kef eləməyə yox, xalqa xidmət etməyə qoyublar"

11-07-2016, 20:25
Oxunub: 3 232 Tolik icra başçısına cavab verdi:"Sizi o vəzifəyə kef eləməyə yox, xalqa xidmət etməyə qoyublar"Prodüserin bu istəyinə Xaçmaz Rayon İcra Hakimiyyətinin başçısı Şəmsəddin Xanbabayev sərt reaksiyası ilə diqqət çəkdi

Aprel döyüşlərində həlak olan şəhid Elvin Mirzəyevin qəbir daşının qoyulmasıyla bağlı xərcləri prodüser Tarix Əliyevin (Tolik) öz üzərinə götürmək istəyi ilə bağlı xəbər vermişdik.

Prodüserin bu istəyinə Xaçmaz Rayon İcra Hakimiyyətinin başçısı Şəmsəddin Xanbabayev sərt reaksiyası ilə diqqət çəkdi:

"Bu gün rəsmi şəxslər gələcək, onların övladlarına medallar təqdim ediləcək. Qəbirlərin düzəldilməsi ilə bağlı Müdafiə Nazirliyi ilə məsləhətləşmələr aparmalı idik. Ona görə də bu məsələlər bir az yubanırdı. Qaldı ki Tolik deyilən bir adamın bu məsələlərə qarışmağına, o belə şeylərlə özünü reklam etməsin. Ayıbdır, dövlət var, belə şeyləri həll eləməyə gücümüz çatır, sadəcə niyə bir az yubanıb, izah etdim.

Daha sonra icra başçısı açıqlamasında Toliki tanımadığını bildirib. "Tolik qələt edib, başını da daşa döyüb. Mən özüm bu məsələni diqqətimdə saxlayıram. Bu gün hər şey həll olunacaq. Tolik bununla özünə reklam qazanmasın, ayıbdır. Əgər eləmək istəyirdisə, bunu səssiz-səmirsiz edərdi, daha reklam edə-edə yox. Çox iş adamları, xeyriyyəçilər var ki, şəhid ailələrinə yardım etmək istəyir. Amma heç kəs bunu Tolik formasında etmir".

İcra başçısının prodüserə ünvanladığı bu sözləri Tolik də cavabsız qoymayıb.

Milli.Az bildirir ki, prodüser icra başçısının ona qarşı olan sərt reaksiyasına bunları deyib:

"Deməli, gərək mən nəsə yazaydım ki, icra başçısı dilə gələydi! Birincisi, siz məni tanımasanız da olar, əsas budur ki, Azərbaycanda işimlə tanınan prodüserəm, ikincisi də vallah-billah, mən sizdən çox xeyir işlər görmüşəm və bunu məcburən yazıram ki, sizə çatdırsınlar. Əgər mən sizin vəzifənizdə olsaydım, bəlkə də, indi elədiklərimdən min dəfə artığını eləyərdim. Bir də ki, qələti mənə siz yedizdirə bilməzsiniz. Siz kimsiniz ki, mənə irad tutursunuz, amma mən Azərbaycan vətəndaşı olaraq, sizdən nəyisə tələb eləməyə haqqım var. Sizi o vəzifəyə kef eləməyə yox, xalqa xidmət etməyə qoyublar, bunu unutmayın! Allah məndən razı olsun, bəlkə də, mən yazmasaydım, siz heç reaksiya verməyəcəkdiniz də. Sizdən xahiş edirəm, vətən uğrunda canından keçən şəhidimizin qəbir daşını bir həftəyə düzəldin. Mən də gəlib ziyarət edim və "sizə çox sağ ol"umu bildirim".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]