BolgeXeber.Com » Xəbərlər » “Bələdiyyə sədri kafemizin olduğu yeri satışa çıxarıb” - Şəhid ailəsi

“Bələdiyyə sədri kafemizin olduğu yeri satışa çıxarıb” - Şəhid ailəsi

17-08-2016, 18:12

Oxunub: 2 612

1992-ci ildə Qarabağ döyüşlərində şəhid olmuş Quba rayon sakini Laçın Novruzovun ailəsi təzyiqlərə məruz qalıb

Bolgexeber.com xəbər verir ki, şəhidin qardaşı Elçin Novruzov interpress.az-a bildirib ki, rayonun ikinci Nügədi bələdiyyəsi onun kafesinin yerləşdiyi ərazini hərraca çıxarıb: “Bələdiyyə sədri Qələmiyev Mübariz Ələmşah oğlu məni çox narahat edir. Tək məni yox, pulunun çoxluğundan isitifadə edib bir neçə insanın meyvə bağını əlindən alıb. Mən özüm Quba rayonunda suvarma sistemində çalışıram. Nəzarət etdiyim ərazidə kiçik sahibkarlıqla məşğul oluram. Bura əvvəllər zibillik idi. İndi çayxana kimi düzəltmişəm. Elə olur ki, xeyriyyə məqsədi ilə də adamlara yemək, çay veririk. Əsasən çayxana kimi fəaliyyət göstərir. Buranı anamla ikimiz işlədirik. Ailəmizin tək qazanc yeri buradır. Bələdiyyə bu ərazini hərraca çıxarıb. Bir dəfə məhkəməyə vermişik. Amma məhkəmə bələdiyyə sədrinin xeyrinə qərar çıxarıb. Növbəti dəfə Apellyasiya Məhkəməsinə müraciət edəcəyik. Bələdiyyə sədri hər gün bizi hədələyir, adamlarını göndərib işıqlarımızı kəsdirir”.

Quba Rayon İcra Hakimiyyəti başçısının birinci müavini Yusif Abidov məsələ ilə bağlı AzNews.az-a açıqlamasında bildirib ki, şəhid Laçın Novruzovun ailəsi ilə bağlı problem mübahisəlidir: “Bu məsələ nə bizlikdir, nə də sizlik. Birinci məhkəmənin qərarı var, əgər şəhid ailəsi bundan narazıdırsa, növbəti instansiyaya müraciət etmək hüququ var. Versinlər məhkəməyə, əgər torpaq üzərində mülkiyyət hüquqları varsa, onların hüququ tapdalana bilməz”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]