BolgeXeber.Com » Xəbərlər » Cəlilabadda Milli Musiqi Günü təntənə ilə qeyd edilmişdir-FOTO

Cəlilabadda Milli Musiqi Günü təntənə ilə qeyd edilmişdir-FOTO

19-09-2016, 20:24

Oxunub: 3 427

19 sentyabr 2016-cı il tarixdə Milli Musiqi Günü Cəlilabad rayonunda təntənə ilə qeyd edilmişdir

Bu münasibətlə Heydər Əliyev Mərkəzində tədbir keçirilmişdir.Tədbirdə hüquq-mühafizə orqanlarının rəhbərləri,mədəniyyət və turizm şöbəsinin əməkdaşları,rayon ictimaiyyətinin nümayəndələri və başqaları iştirak etmişlər.Tədbir iştirakçıları ilk öncə Ulu Öndər Heydər Əliyevin adını daşıyan parkda yerləşən abidəsinin önünə tər çiçəklər düzərək xatirəsini ehtiramla yad etmiş, sonra Ümummilli Liderin adını daşıyan mərkəzdə olmuş,Ulu Öndərin həyat və fəaliyyəti əks etdirən eksponatlara baxılmış, biri birindən maraqlı əl işlərindən hazırlanmış sərgi ilə tanış olmuşlar.Tədbirdə Azərbaycan Respublikasının Dövlət Himni səsləndirilmişdir.
Cəlilabad Rayon İcra Hakimiyyətinin başçısı Əziz Əzizov tədbiri açaraq, Ümummilli Liderimiz Heydər Əliyevin "Üzeyir Musiqi Gününün keçirilməsi haqqında" 1995-ci il 18 sentyabr tarixli Fərmanına uyğun olaraq hər il ölkəmizdə ənənəvi Milli Musiqi Gününün keçirildiyini diqqətə çatdırıb və hər zaman mədəniyyət sahəsinə göstərdikləri diqqətə görə Cənab Prezident İlham Əliyevə və Heydər Əliyev Fondunun Prezidenti, Milli Məclisin deputatı Mehriban xanım Əliyevaya təşəkkür etmişdir.RİH başçısı dahi bəstəkar Üzeyir Hacıbəylinin milli musiqimizin inkişafı sahəsindəki əvəzsiz xidmətləri, Azərbaycan musiqisinin beynəlxalq aləmdə təbliği sahəsində yorulmaz fəaliyyəti barədə söhbət açmışdır.
Mərasimdə incəsənət xadimlərinin iştirakı ilə konsert proqramı nümayiş etdirilmişdir. Konsert proqramında dahi bəstəkarın əsərlərindən parçalar, xalq mahnıları, muğam və təsniflər səslənmişdir.
Konsertə toplanmış minlərlə tamaşaçı musiqi proqramını maraqla izləmişlər.
Bolgexeber.com

Çox Oxunanlar